Publish Date: Sat, 22 Jun 2019 (09:26 IST)
Updated Date: Sat, 22 Jun 2019 (09:29 IST)
ಲಂಡನ್: ವಿಶ್ವಕಪ್ 2019 ರಲ್ಲಿ ಪ್ರಶಸ್ತಿ ಗೆಲ್ಲುವ ಫೇವರಿಟ್ ತಂಡಗಳ ಪೈಕಿ ಟೀಂ ಇಂಡಿಯಾವೂ ಒಂದು. ಆದರೆ ಪಾಕಿಸ್ತಾನ ಕ್ರಿಕೆಟಿಗ ಹಸನ್ ಅಲಿ ಹೀಗೆಂದು ಹೇಳಲು ಹೋಗಿ ನಂತರ ತಮ್ಮ ಟ್ವೀಟ್ ಡಿಲೀಟ್ ಮಾಡಿದ್ದಾರೆ.
ಪಾಕ್ ಕ್ರಿಕೆಟಿಗರು ಮೊನ್ನೆಯಷ್ಟೇ ಟೀಂ ಇಂಡಿಯಾ ವಿರುದ್ಧ ಸೋತು ತವರಿನಲ್ಲಿ ಟೀಕೆ ಎದುರಿಸುತ್ತಿದ್ದಾರೆ. ಇದರ ಬೆನ್ನಲ್ಲೇ ಹಸನ್ ಅಲಿ ಈ ಬಾರಿ ಭಾರತದ ಕನಸು ನನಸಾಗಲಿದೆ ಎಂದಿದ್ದರು.
ಭಾರತೀಯ ಪತ್ರಕರ್ತರೊಬ್ಬರು ಟೀಂ ಇಂಡಿಯಾ ಗೆಲುವಿಗೆ ಅಭಿನಂದಿಸಿ ಟ್ವೀಟ್ ಮಾಡಿದ್ದಕ್ಕೆ ಪ್ರತಿಕ್ರಿಯಿಸಿದ್ದ ಹಸನ್ ‘ಈ ಬಾರಿ ನಿಮ್ಮ ಕನಸು ನನಸಾಗಲಿದೆ. ಅಭಿನಂದನೆಗಳು’ ಎಂದು ಬರೆದಿದ್ದರು. ಆದರೆ ಟ್ವೀಟ್ ವಿವಾದವಾಗುವ ಲಕ್ಷಣ ಕಾಣುತ್ತಿದ್ದಂತೇ ಅಲಿ ಡಿಲೀಟ್ ಮಾಡಿದ್ದಾರೆ.