Publish Date: Sat, 21 Jul 2018 (09:21 IST)
Updated Date: Sat, 21 Jul 2018 (09:54 IST)
ಲಂಡನ್: ಏಕದಿನ ಸರಣಿಯಲ್ಲಿ ಅತ್ಯಂತ ನಿಧಾನಗತಿಯಲ್ಲಿ ಬ್ಯಾಟ್ ಬೀಸಿದ ಕ್ರಿಕೆಟಿಗ ಧೋನಿಯನ್ನು ಗೇಲಿ ಮಾಡುತ್ತಿರುವ ಪ್ರೇಕ್ಷಕರಿಗೆ ಮಾಜಿ ನಾಯಕ ಸೌರವ್ ಗಂಗೂಲಿ ಮನವಿ ಮಾಡಿದ್ದಾರೆ.
ಧೋನಿ ಕ್ರಿಕೆಟ್ ನ ಲೆಜೆಂಡ್. ಅವರಂತಹ ವಿಕೆಟ್ ಕೀಪರ್ ಮತ್ತೆ ಭಾರತಕ್ಕೆ ಸಿಗಬಹುದು ಎಂದು ನಮಗೆ ಖಾತರಿಯಿಲ್ಲ. ಒಂದು ವೇಳೆ ಸಿಕ್ಕರೂ ಅದಕ್ಕೆ ತುಂಬಾ ವರ್ಷ ಬೇಕಾಗಬಹುದು. ಅವರು ಈಗ ಪರದಾಡುತ್ತಿದ್ದರೂ ಒಂದಲ್ಲ ಒಂದು ದಿನ ಕಮ್ ಬ್ಯಾಕ್ ಮಾಡುತ್ತಾರೆ. ಹಾಗಾಗಿ ಯಾರೂ ಮೂದಲಿಸಬೇಡಿ’ ಎಂದು ಗಂಗೂಲಿ ಮನವಿ ಮಾಡಿದ್ದಾರೆ.
ಈ ಸರಣಿಯಲ್ಲಿ ಕಾಮೆಂಟೇಟರ್ ಆಗಿರುವ ಗಂಗೂಲಿ ಲಾರ್ಡ್ಸ್ ಮತ್ತು ಲೀಡ್ಸ್ ನಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ ಧೋನಿ ಮೈದಾನಕ್ಕಿಳಿದಾಗ ಪ್ರೇಕ್ಷಕರು ಅವರನ್ನು ಗೇಲಿ ಮಾಡಿದ್ದು ನೋಡಿ ಇಂತಹದ್ದೊಂದು ಮನವಿ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.