Publish Date: Thu, 27 Aug 2020 (10:57 IST)
Updated Date: Thu, 27 Aug 2020 (10:59 IST)
ದುಬೈ: ಐಪಿಎಲ್ 13 ರಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕರಾಗಿರುವ ಕೆಎಲ್ ರಾಹುಲ್ ಗೆ ಕನ್ನಡಿಗರೇ ಆದ ಅನಿಲ್ ಕುಂಬ್ಳೆ ಮಾರ್ಗದರ್ಶನವಿರಲಿ. ಆದರೆ ಕೋಚ್ ಆಗಿ ತಾವು ಕ್ಯಾಪ್ಟನ್ ಗೇ ಎಲ್ಲಾ ರೀತಿಯ ನಿರ್ಧಾರ ಕೈಗೊಳ್ಳುವ ಸ್ವಾತಂತ್ರ್ಯ ನೀಡಿರುವುದಾಗಿ ಕುಂಬ್ಳೆ ಹೇಳಿದ್ದಾರೆ.
ರಾಹುಲ್ ನಿರ್ಧಾರದಲ್ಲಿ ತಲೆ ಹಾಕಲ್ಲ. ಹಾಗೇ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವ ಸಂಪೂರ್ಣ ಸ್ವಾತಂತ್ರ್ಯ ರಾಹುಲ್ ಗೇ ನೀಡುವುದಾಗಿ ಕುಂಬ್ಳೆ ಹೇಳಿದ್ದಾರೆ. ಇತ್ತ ರಾಹುಲ್ ಕೂಡಾ ಅನಿಲ್ ಕುಂಬ್ಳೆ ಜತೆ ನನಗೆ ಮೈದಾನದ ಹೊರಗೂ ಉತ್ತಮ ಸ್ನೇಹ ಸಂಬಂಧವಿದೆ. ಹೀಗಾಗಿ ನನಗೆ ಅವರೊಂದಿಗೆ ಹೊಂದಾಣಿಕೆ ಮಾಡುವುದು ಕಷ್ಟವಾಗಲ್ಲ. ಅವರು ಚೆನ್ನಾಗಿ ಪ್ಲ್ಯಾನ್ ಮಾಡುತ್ತಾರೆ. ಅದನ್ನು ನಾನು ಫಾಲೋ ಮಾಡಿದ್ರೂ ಸಾಕು ಎಂದು ರಾಹುಲ್ ಹೇಳಿದ್ದಾರೆ.
