Publish Date: Fri, 26 Jul 2019 (09:20 IST)
Updated Date: Fri, 26 Jul 2019 (09:24 IST)
ಮುಂಬೈ: ವಿಶ್ವಕಪ್ ಸೆಮಿಫೈನಲ್ ನಲ್ಲಿ ಸೋತ ಬಳಿಕ ಟೀಂ ಇಂಡಿಯಾದಲ್ಲಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ನಡುವಿನ ಸಂಬಂಧ ಸರಿ ಇಲ್ಲ ಎಂಬ ಸುದ್ದಿ ಹಬ್ಬಿತ್ತು.
ಈಗ ಈ ಇಬ್ಬರು ದಿಗ್ಗಜ ಕ್ರಿಕೆಟಿಗರ ನಡುವಿನ ಸಂಬಂಧದ ಬಗ್ಗೆ ಟೀಂ ಇಂಡಿಯಾ ಬೌಲಿಂಗ್ ಕೋಚ್ ಭರತ್ ಅರುಣ್ ಮಾತನಾಡಿದ್ದಾರೆ. ಇಬ್ಬರ ನಡುವೆ ಅಭಿಪ್ರಾಯ ವ್ಯತ್ಯಾಸವಿರುವ ಬಗ್ಗೆ ಭರತ್ ಅರುಣ್ ಪ್ರತಿಕ್ರಿಯಿಸಿದ್ದಾರೆ.
‘ಇಬ್ಬರೂ ತಮ್ಮದೇ ಆದ ಅಭಿಪ್ರಾಯದ ಬಗ್ಗೆ ವಾದ ಮಾಡುತ್ತಾರೆ. ಅವರಿಬ್ಬರು ಮಾತ್ರವಲ್ಲ, ನಾವೆಲ್ಲರೂ ಹಾಗೆಯೇ ನಮ್ಮ ಅಭಿಪ್ರಾಯದ ಬಗ್ಗೆ ವಾದ ಮಾಡ್ತೀವಿ, ಚರ್ಚೆ ಮಾಡ್ತೀವಿ. ಆದರೆ ಕೊನೆಗೆ ಒಂದೇ ಅಭಿಪ್ರಾಯಕ್ಕೆ ಬರುತ್ತೇವೆ. ರೋಹಿತ್ ಯಾವಾಗಲೂ ಕೊಹ್ಲಿಯ ಬೆಂಬಲಕ್ಕೆ ಬರುತ್ತಾರೆ’ ಎಂದು ಭರತ್ ಅರುಣ್ ಹೇಳಿಕೊಂಡಿದ್ದಾರೆ.