ಮೊಹಾಲಿ: ಐಪಿಎಲ್ ಪಂದ್ಯಾವಳಿಯಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಉತ್ತಮ ನಿರ್ವಹಣೆ ತೋರುತ್ತಿರುವ ಬೆನ್ನಲ್ಲೇ ಅಪಸ್ವರವೊಂದು ಕೇಳಿಬಂದಿದೆ. ಆದರೆ ಅದನ್ನು ತಂಡದ ಮಾಲಕಿ ತಳ್ಳಿ ಹಾಕಿದ್ದಾರೆ.
ಮಾಲಕಿ ಪ್ರೀತಿ ಜಿಂಟಾ ಮತ್ತು ಮೆಂಟರ್ ವೀರೇಂದ್ರ ಸೆಹ್ವಾಗ್ ನಡುವೆ ಕಚ್ಚಾಟವಾಗಿದೆ ಎಂದು ವದಂತಿ ಹ‍ಬ್ಬಿತ್ತು. ಆದರೆ ಇದನ್ನು ಪ್ರೀತಿ ಜಿಂಟಾ ಸಾರಾಸಗಟಾಗಿ ತಳ್ಳಿ ಹಾಕಿದ್ದಾರೆ.
ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಸೋತ ಬಳಿಕ ಪ್ರೀತಿ ಮತ್ತು ಸೆಹ್ವಾಗ್ ಪರಸ್ಪರ ಜಗಳವಾಡಿದ್ದರು. ಇದರಿಂದ ರೊಚ್ಚಿಗೆದ್ದ ಸೆಹ್ವಾಗ್ ಈ ವರ್ಷದ ಬಳಿಕ ಪಂಜಾಬ್ ತಂಡದ ಹುದ್ದೆಯಿಂದ ಹಿಂದೆ ಸರಿಯಲಿದ್ದಾರೆ ಎಂಬೆಲ್ಲಾ ವದಂತಿ ಹರಡಿತ್ತು. ಆದರೆ ಇದು ಸುಳ್ಳು ಸುದ್ದಿ ಎಂದು ಪ್ರೀತಿ ಸ್ಪಷ್ಟಪಡಡಿಸಿದ್ದಾರೆ.
ನಾವು ಪ್ರತೀ ಪಂದ್ಯವಾದ ಬಳಿಕ ಅಂದಿನ ಪರ್ಫಾರ್ಮೆನ್ಸ್ ಬಗ್ಗೆ ಚರ್ಚೆ ಮಾಡುತ್ತೇವೆ. ಆದರೆ ಇದನ್ನೇ ಕೆಲವು ಮಾಧ್ಯಮಗಳು ಋಣಾತ್ಮಕವಾಗಿ ವರದಿ ಮಾಡಿವೆ ಎಂದು ಪ್ರೀತಿ ಟ್ವಿಟರ್ ನಲ್ಲಿ ಕಿಡಿ ಕಾರಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
