ಐಪಿಎಲ್ 2022: ಸಿಎಸ್ ಕೆ ನಾಯಕ ಧೋನಿ ಎಲ್ಲಾ ಪಂದ್ಯ ಆಡೋದು ಡೌಟು!

ಚೆನ್ನೈ: ಐಪಿಎಲ್ 2022 ರಲ್ಲೂ ಧೋನಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕರಾಗುವುದು ಖಂಡಿತಾ. ಆದರೆ ಈ ಬಾರಿ ಎಲ್ಲಾ ಪಂದ್ಯಗಳನ್ನು ಆಡುವುದು ಅನುಮಾನ ಎನ್ನಲಾಗಿದೆ.

ಧೋನಿಗೆ ಈಗಾಗಲೇ 40 ವರ್ಷವಾಗಿದೆ. ಅವರು ಈ ಐಪಿಎಲ್ ಆವೃತ್ತಿಯಲ್ಲಿ ಆಡುವುದೇ ಅನುಮಾನ ಎನ್ನಲಾಗುತ್ತಿತ್ತು. ಆದರೂ ಸ್ವತಃ ಅವರೇ ಚೆನ್ನೈನಲ್ಲೇ ನನ್ನ ಕೊನೆಯ ಐಪಿಎಲ್ ಪಂದ್ಯವಾಡುವುದಾಗಿ ಹೇಳಿದ್ದಾರೆ. ಅಲ್ಲದೆ, ಸಿಎಸ್ ಕೆ ಫ್ರಾಂಚೈಸಿ ಕೂಡಾ ಧೋನಿ ಆಡುವ ಬಗ್ಗೆ ಕನ್ ಫರ್ಮ್ ಮಾಡಿದ್ದಾರೆ.

ಹೀಗಾಗಿ ಈ ಬಾರಿ ಧೋನಿ ಸಿಎಸ್ ಕೆ ನೇತೃತ್ವ ವಹಿಸುವುದು ಖಚಿತ. ಆದರೆ ಎಲ್ಲಾ ಪಂದ್ಯಗಳನ್ನು ಆಡುವುದು ಅನುಮಾನ. ಪ್ರಮುಖ ಪಂದ್ಯಗಳಲ್ಲಿ ಮಾತ್ರ ಅವರು ಕಾಣಿಸಿಕೊಳ್ಳಬಹುದು. ಅಥವಾ ಟೂರ್ನಿಯ ಅರ್ಧದಲ್ಲೇ ತಂಡದಿಂದ ಹೊರಗುಳಿದು ಸಿಎಸ್ ಕೆ ಮಾರ್ಗದರ್ಶಕರಾಗಿ ಮುಂದುವರಿಯಬಹುದು. ಅಂತೂ ಈ ಐಪಿಎಲ್ ಧೋನಿ ಪಾಲಿಗೆ ಆಟಗಾರನಾಗಿ ಕೊನೆಯ ಐಪಿಎಲ್ ಆಗಬಹುದು ಎಂದೇ ಹೇಳಲಾಗಿದೆ.