ಚೆನ್ನೈ: ಐಸಿಸಿ ಏಕದಿನ ವಿಶ್ವಕಪ್ ನಲ್ಲಿ ಇಂದು ಶ್ರೀಲಂಕಾ ಮತ್ತು ನ್ಯೂಜಿಲೆಂಡ್ ನಡುವೆ ಮಹತ್ವದ ಪಂದ್ಯ ನಡೆಯಲಿದೆ. ಸೆಮಿಫೈನಲ್ ದೃಷ್ಟಿಯಿಂದ ನ್ಯೂಜಿಲೆಂಡ್ ಇಂದು ಉತ್ತಮ ರನ್ ಧಾರಣೆಯಲ್ಲಿ ಗೆಲ್ಲಲೇಬೇಕಿದೆ.
ನ್ಯೂಜಿಲೆಂಡ್ ಗೆ ರಚಿನ್ ರವೀಂದ್ರ ಪ್ರಬಲ ಶಕ್ತಿ. ಇದುವರೆಗೆ ನಡೆದ ಎಲ್ಲಾ ಪಂದ್ಯಗಳಲ್ಲೂ ಬ್ಯಾಟಿಂಗ್, ಬೌಲಿಂಗ್ ನಲ್ಲಿ ರಚಿನ್ ಮಿಂಚಿದ್ದಾರೆ. ಜೊತೆಗೆ ಕೇನ್ ವಿಲಿಯಮ್ಸ್ ಕೂಡಾ ಸೇರ್ಪಡೆಯಾಗಿರುವುದರಿಂದ ತಂಡದ ಆತ್ಮವಿಶ್ವಾಸ ಹೆಚ್ಚಿದೆ. ಇಂದು ಗೆದ್ದರೆ ಮಾತ್ರ ಕಿವೀಸ್ ಸೆಮಿಫೈನಲ್ ಸ್ಥಾನ ಭದ್ರವಾಗಲಿದೆ.
ಆದರೆ ಚೆನ್ನೈ ತಿರುವಿನ ಪಿಚ್ ಹೊಂದಿದ್ದು ಇಲ್ಲಿ ಸ್ಪಿನ್ನರ್ ಗಳು ಮೇಲುಗೈ ಸಾಧಿಸುತ್ತಾರೆ. ಇಂದು ಲಂಕಾಗೆ ಕೊನೆಯ ಪಂದ್ಯ. ಕಳೆದ ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಟೈಮ್ಡ್ ಔಟ್ ಆಗಿ ಹತಾಶೆಯಲ್ಲಿರುವ ಲಂಕಾ ಗೆಲುವಿನ ಮೂಲಕ ಈ ಕೂಟಕ್ಕೆ ವಿದಾಯ ಹೇಳುವ ಉತ್ಸಾಹದಲ್ಲಿದೆ.
