ಅಯೋಧ್ಯೆ: ರಾಮಮಂದಿರದಲ್ಲಿ ರಾಮಲಲ್ಲಾ ಪ್ರಾಣ ಪ್ರತಿಷ್ಠಾ ಕಾರ್ಯಕ್ರಮಕ್ಕೆ ಕೆಲವೇ ದಿನಗಳು ಬಾಕಿಯಿದ್ದು, ಅಯೋಧ್ಯೆಗೆ ಸ್ವತಃ ಶ್ರೀರಾಮನ ಆಗಮನವಾಗಿದೆ!
ಕೆಲವು ವರ್ಷಗಳ ಹಿಂದೆ ದೂರದರ್ಶನ ಚಾನೆಲ್ ನಲ್ಲಿ ಪ್ರಸಾರವಾಗುತ್ತಿದ್ದ ರಾಮಾಯಣ ಧಾರವಾಹಿಯ ರಾಮ ಪಾತ್ರಧಾರಿ ಅರುಣ್ ಗೋವಿಲ್, ಸೀತಾ ಪಾತ್ರ ಮಾಡುತ್ತಿದ್ದ ದೀಪಿಕಾ ಮತ್ತು ಲಕ್ಷ್ಮಣ ಪಾತ್ರ ಮಾಡುತ್ತಿದ್ದ ಸುನಿಲ್ ಲಹಿರಿ ಅಯೋಧ್ಯೆಗೆ ಆಗಮಿಸಿದ್ದಾರೆ.
ಇವರು ಕೇವಲ ಪಾತ್ರಧಾರಿಗಳಷ್ಟೇ ಆದರೂ ಇಂದಿಗೂ ಜನ ಇವರನ್ನು ನಿಜವಾಗಿಯೂ ಶ್ರೀರಾಮ ಎನ್ನುವಷ್ಟು ಗೌರವ ಕೊಡುತ್ತಾರೆ. ಆ ಪಾತ್ರಕ್ಕಿದ್ದ ಬೆಲೆ ಮತ್ತು ಜನಪ್ರಿಯತೆ ಎಷ್ಟು ಎಂಬುದಕ್ಕೆ ಇದುವೇ ಸಾಕ್ಷಿ.
ಜನವರಿ 22 ರಂದು ನಡೆಯಲಿರುವ ಪ್ರಾಣ ಪ್ರತಿಷ್ಠಾ ಕಾರ್ಯಕ್ರಮಕ್ಕೆ ಈ ಮೂವರಿಗೂ ಆಹ್ವಾನ ನೀಡಲಾಗಿತ್ತು. ಇದೀಗ ಮೂವರೂ ಅಯೋಧ್ಯೆ ನಗರಿಗೆ ಆಗಮಿಸಿದ್ದು, ನೃತ್ಯ, ಆರತಿಯ ಮೂಲಕ ರಸ್ತೆಯ ಇಕ್ಕೆಲೆಗಳಲ್ಲಿ ಜನಸಾಗರವೇ ನಿಂತು ನಿಜವಾದ ರಾಮನೇ ಅಯೋಧ್ಯೆಗೆ ಬಂದನೇನೋ ಎಂಬಂತೆ ಇವರಿಗೆ ಭರ್ಜರಿ ಸ್ವಾಗತ ನೀಡಿದ್ದಾರೆ.
