ಮುಂಬೈ: ಕೊರೋನಾ ಬಳಿಕ ಒಟಿಟಿ ಫಾರ್ಮ್ಯಾಟ್ ನಲ್ಲಿ ಹೊಸ ಹೊಸ ಸಿನಿಮಾಗಳ ಬಿಡುಗಡೆ ಟ್ರೆಂಡ್ ಶುರುವಾಗಿದೆ. ಅಮೆಝೋನ್ ಪ್ರೈಮ್ ಒಟಿಟಿ ಫಾರ್ಮ್ಯಾಟ್ ಗಳಲ್ಲಿ ಅಗ್ರಸ್ಥಾನದಲ್ಲೇ ಇದೆ.
ಈ ಆಪ್ ನಲ್ಲಿ ಬಿಡುಗಡೆಯಾದ ಸಿನಿಮಾವೆಂದರೆ ‘ಶೇರ್ ಶಾ’. ಸಿದ್ಧಾರ್ಥ್ ಮಲ್ಹೋತ್ರಾ, ಕಿಯಾರ ಅಡ್ವಾಣಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿರುವ ಈ ಸಿನಿಮಾ ಭಾರತದ ಹೆಮ್ಮೆಯ ಯೋಧ ವಿಕ್ರಮ್ ಬಾತ್ರಾ ಅವರ ನಿಜ ಜೀವನವನ್ನಾಧರಿಸಿದೆ.
ಈ ಸಿನಿಮಾವೀಗ ಅಮೆಝೋನ್ ಪ್ರೈಮ್ ನಲ್ಲಿ ಅತೀ ಹೆಚ್ಚು ವೀಕ್ಷಣೆ ಪಡೆದ ಸಿನಿಮಾ ಎಂಬ ದಾಖಲೆ ಮಾಡಿದೆ. 8.9 ರೇಟಿಂಗ್ ಪಡೆದ ಸಿನಿಮಾ ಭಾರತದ ಸುಮಾರು 4100 ಕ್ಕೂ ಹೆಚ್ಚು ಭಾಗಗಳಲ್ಲಿ ವೀಕ್ಷಣೆ ಕಂಡಿದೆ. ಇದೀಗ ಅಮೆಝೋನ್ ಪ್ರೈಮ್ ನ ನಂ.1 ಸಿನಿಮಾವಾಗಿ ಹೊರಹೊಮ್ಮಿದೆ.
