ಮುಂಬೈ: ಬಾಲಿವುಡ್ ಬಾದ್ ಶಹಾ ಶಾರುಖ್ ಖಾನ್ ತಮ್ಮ ಬಾಲ್ಯದ ಕುರಿತು ಈ ಹಿಂದೆ ಅಚ್ಚರಿಯ ಸಂಗತಿಯೊಂದನ್ನು ಹೊರಹಾಕಿದ್ದರು. ಈ ವಿಚಾರ ಈಗ ವೈರಲ್ ಆಗಿದೆ.
ಶಾರುಖ್ ಖಾನ್ ಹುಟ್ಟಿದ್ದು ದೆಹಲಿಯಲ್ಲಿ ಎಂದು ಎಲ್ಲರಿಗೂ ಗೊತ್ತಿತ್ತು. ಆದರೆ ತಮ್ಮ ಬಾಲ್ಯವನ್ನು ಶಾರುಖ್ ಕಳೆದಿದ್ದು ಕರ್ನಾಟಕದ ಕರಾವಳಿ ಮಂಗಳೂರಿನಲ್ಲಂತೆ. ಇಂತಹದ್ದೊಂದು ಅಚ್ಚರಿಯ ಸಂಗತಿಯನ್ನು ಅವರು 2013 ರಲ್ಲಿ ಚೆನ್ನೈ ಎಕ್ಸ್ ಪ್ರೆಸ್ ಸಿನಿಮಾ ಪ್ರಮೋಷನ್ ವೇಳೆ ಹೇಳಿಕೊಂಡಿದ್ದರು. ಆ ವಿಚಾರವೀಗ ಮತ್ತೆ ವೈರಲ್ ಆಗಿದೆ.
ಶಾರುಖ್ ಖಾನ್ ಮೂಲತಃ ದೆಹಲಿಯವರಾದರೂ ಬಾಲ್ಯದಲ್ಲಿ 5 ವರ್ಷಗಳವರೆಗೆ ಮಂಗಳೂರಿನಲ್ಲಿ ಕಳೆದಿದ್ದರಂತೆ. ಹುಟ್ಟಿದ್ದು ದೆಹಲಿಯಲ್ಲಾದರೂ ಬಾಲ್ಯದಲ್ಲಿ ಅಜ್ಜಿಯೊಂದಿಗೆ ಮಂಗಳೂರಿನಲ್ಲಿ ಕಳೆದ ನೆನಪುಗಳಿವೆ ಎಂದು ಶಾರುಖ್ ಹೇಳಿದ್ದರು. ಅವರ ತಾಯಿ ಆಂಧ್ರ ಮೂಲದವರಂತೆ.
ತಾಯಿಗೆ ಕನ್ನಡ ಸೇರಿ ನಾಲ್ಕು ಭಾಷೆಗಳು ಬರುತ್ತಿದ್ದವು. ಈಗಲೂ ಶಾರುಖ್ ಬಳಿ ಮಂಗಳೂರಿನಲ್ಲಿ ಬಾಲ್ಯದಲ್ಲಿದ್ದ ಕೆಲವು ಫೋಟೋಗಳಿವೆಯಂತೆ. ಅದು ಬಿಟ್ಟರೆ ಮಂಗಳೂರಿನ ಬಗ್ಗೆ ಬೇರೆ ನೆನಪುಗಳಿಲ್ಲ. ಆದರೆ ಕರ್ನಾಟಕದೊಂದಿಗೆ ತನಗೆ ಕನೆಕ್ಷನ್ ಇದೆ ಎಂದು ಶಾರುಖ್ ಹೇಳಿದ್ದರು.
