ಪ್ರಿಯಾಂಕಾ ಚೋಪ್ರಾ ನಟಿಸಿದ ಕ್ವಾಂಟಿ ಕೊ' ಶೋ ಸಂಸ್ಥೆ ಭಾರತೀಯರಲ್ಲಿ ಕ್ಷಮೆ ಕೇಳಿದ್ಯಾಕೆ?

ವಾಷಿಂಗ್ಟನ್ : ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರು ನಟಿಸಿದ ‘ಕ್ವಾಂಟಿ ಕೊ' ಆಂಗ್ಲ ಟೆಲಿ ಧಾರಾವಾಹಿ ನಿರ್ಮಾಣ ಸಂಸ್ಥೆಯಾದ ಎಬಿಸಿ ಸ್ಟುಡಿಯೋ ಇದೀಗ  ಭಾರತೀಯರಲ್ಲಿ ಕ್ಷಮೆ ಕೋರಿದೆ.

ಅಮೆರಿಕದಲ್ಲಿ ಇತ್ತೀಚೆಗೆ ಪ್ರಸಾರಗೊಂಡಿರುವ ಈ ಶೋ ನ ಮೊದಲ ಸಂಚಿಕೆಯಲ್ಲಿ ಎಫ್ಬಿಐನ ಏಜೆಂಟ್‌ ಆಗಿರುವ ಪ್ರಿಯಾಂಕಾ ಚೋಪ್ರಾ ಅವರು, ಹಿಂದುತ್ವದ ಉಗ್ರವಾದಿಗಳು ರೂಪಿಸಿದ್ದ ಷಡ್ಯಂತ್ರವನ್ನು ವಿಧ್ವಂಸಗೊಳಿಸುವ ಕಥೆ ತೋರಿಸಲಾಗಿತ್ತು. ಹಿಂದೂ ಉಗ್ರವಾದಿಗಳನ್ನು ಆ ತಂಡದ ಸದಸ್ಯನೊಬ್ಬ ರುದ್ರಾಕ್ಷಿ ಧರಿಸಿದ್ದನ್ನು ಗಮನಿಸಿ ಪತ್ತೆ ಹಚ್ಚುವ ಚಿತ್ರಕತೆ ಹೆಣೆದಿದ್ದಕ್ಕೆ ಭಾರತೀಯರು ಭಾರೀ ವಿರೋಧ ವ್ಯಕ್ತಪಡಿಸಿದ್ದರು.

ಈ ಬಗ್ಗೆ ಕ್ಷಮೆ ಕೇಳಿರುವ ಈ ಸಂಸ್ಥೆ ಇದಕ್ಕೂ ಪ್ರಿಯಾಂಕಾಗೂ ಯಾವುದೇ ಸಂಬಂಧವಿಲ್ಲ. ಈ ಶೋ ಬರೆದಿದ್ದೂ ಅವರಲ್ಲ, ನಿರ್ದೇಶಿಸಿದ್ದೂ ಅವರಲ್ಲ. ಅದೊಂದು ಕಾಲ್ಪನಿಕ ಕಥೆ. ಯಾರಿಗೂ ನೋವುಂಟು ಮಾಡುವ ಉದ್ದೇಶ ನಮಗಿರಲಿಲ್ಲ ಎಂದು ತಿಳಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ