ಬೆಂಗಳೂರು: ಬಾಲಿವುಡ್ ನಟ ಸಲ್ಮಾನ್ ಖಾನ್ ಎಂದರೆ ಸಾಮಾನ್ಯರಿಂದ ಹಿಡಿದು ಪ್ರಭಾವಿಗಳವರೆಗೂ ಅಭಿಮಾನಿಗಳಿದ್ದಾರೆ. ಆದರೆ ಅವರೆಷ್ಟೇ ದೊಡ್ಡ ನಟರಾದರೂ ಅದನ್ನು ಲೆಕ್ಕಿಸದೇ ತಮ್ಮ ಕರ್ತವ್ಯ ಮೆರೆದ ಏರ್ ಪೋರ್ಟ್ ಸಿಬ್ಬಂದಿ ಈಗ ಎಲ್ಲರ ಕಣ್ಣಲ್ಲಿ ಹೀರೋ ಆಗಿದ್ದಾರೆ.
ಸಲ್ಮಾನ್ ಖಾನ್ ಟೈಗರ್ 3 ಶೂಟಿಂಗ್ ಗೆ ವಿದೇಶಕ್ಕೆ ತೆರಳಲು ಮುಂಬೈ ವಿಮಾನ ನಿಲ್ದಾಣಕ್ಕೆ ಬಂದಾಗ ಏರ್ ಪೋರ್ಟ್ ಸಿಬ್ಬಂದಿ ಅವರನ್ನು ಸಾಮಾನ್ಯ ನಾಗರಿಕರಂತೇ ತಡೆದು ಸೂಕ್ತ ದಾಖಲೆಗಳನ್ನು ಪರಿಶೀಲಿಸಲು ತಡೆದಿದ್ದಾರೆ.
ದಾಖಲೆಗಳನ್ನು ಪರಿಶೀಲಿಸಿದ ಬಳಿಕ ಸಲ್ಮಾನ್ ಗೆ ಒಳಗೆ ಎಂಟ್ರಿ ಕೊಡಲಾಗಿದೆ. ಈ ರೀತಿ ಅವರು ಸೆಲೆಬ್ರಿಟಿ ಎಂಬುದನ್ನೂ ನೋಡದೇ ಸಾಮಾನ್ಯರಂತೇ ಅವರನ್ನೂ ತಪಾಸಣೆಗೊಳಪಡಿಸಿದ ಸಿಬ್ಬಂದಿಗೆ ನೆಟ್ಟಿಗರು ಶಹಬ್ಬಾಶ್ ಎಂದಿದ್ದಾರೆ.
