ಮುಂಬೈ: ಇಬ್ಬರು ಮಕ್ಕಳ ತಾಯಿ, ಬಾಲಿವುಡ್ ನಟಿ ಕರೀನಾ ಕಪೂರ್ ಗರ್ಭಿಣಿಯಾಗಿದ್ದಾಗ ಮಹಿಳೆಯ ಜೀವನದ ಕುರಿತಾಗಿ ಪುಸ್ತಕವೊಂದನ್ನು ಹೊರತಂದಿದ್ದಾರೆ.
ಈ ಪುಸ್ತಕದಲ್ಲಿ ಕರೀನಾ ಗರ್ಭಿಣಿಯಾಗಿದ್ದಾಗ ತಮ್ಮ ಸ್ವಂತ ಅನುಭವಗಳನ್ನು ಹಾಗೂ ಮಹಿಳೆಯರ ಜೀವನದಲ್ಲಾಗುವ ಬದಲಾವಣೆಗಳನ್ನು ಹಂಚಿಕೊಂಡಿದ್ದಾರೆ.
ಮುಖ್ಯವಾಗಿ ಈ ಪುಸ್ತಕದಲ್ಲಿ ಗರ್ಭಿಣಿಯಾಗಿದ್ದಾಗ ಲೈಂಗಿಕತೆ ಬಗ್ಗೆ ಮಹಿಳೆಯರಲ್ಲಿ ಆಸಕ್ತಿ ಕಡಿಮೆಯಾಗುವುದರ ಬಗ್ಗೆ ಹೇಳಿಕೊಂಡಿದ್ದಾರೆ. ಗರ್ಭಿಣಿಯಾಗಿದ್ದಾಗ ಯಾವುದೇ ಮಹಿಳೆಗೂ ಮೂಡ್ ಬದಲಾವಣೆ ಇರುವುದು ಸಹಜ. ನನಗೂ ಹೀಗೇ ಆಗುತ್ತಿತ್ತು. ಒಮ್ಮೊಮ್ಮೆ ನಾನು ತುಂಬಾ ಸುಂದರವಾಗಿದ್ದೇನೆ, ಹಾಟ್ ಆಗಿದ್ದೇನೆ ಎನಿಸುತ್ತಿತ್ತು. ಸೈಫ್ ಬಳಿ ಇದನ್ನೇ ಹೇಳಿಕೊಳ್ಳುತ್ತಿದ್ದೆ. ಕೆಲವೊಂದು ಬಾರಿ ಹಾಸಿಗೆಯಿಂದ ಎದ್ದೇಳಲೂ ಆಗದಷ್ಟು ಸೋಮಾರಿತನವಾಗುತ್ತಿತ್ತು. ಆದರೆ ಪತಿಯಾದವರು ಇದನ್ನು ಅರ್ಥ ಮಾಡಿಕೊಂಡು ಅದಕ್ಕೆ ತಕ್ಕಂತೆ ನಡೆದುಕೊಳ್ಳುವುದು ಮುಖ್ಯ ಎಂದು ಕರೀನಾ ಹೇಳಿದ್ದಾರೆ.
