ಮುಂಬೈ: ಕೋಮು ಪ್ರಚೋದಕ ಸಂದೇಶ ಟ್ವೀಟ್ ಮಾಡಿದ್ದಕ್ಕೆ ಬಾಲಿವುಡ್ ನಟಿ ಕಂಗನಾ ರನಾವತ್ ಸಹೋದರಿ ರಂಗೋಲಿ ಚಂದೇಲ್ ಟ್ವಿಟರ್ ಖಾತೆಯನ್ನು ರದ್ದುಗೊಳಿಸಲಾಗಿದೆ.
ರಂಗೋಲಿ ಕರೋನಾ ಹರಡುವಿಕೆ ವಿಚಾರದಲ್ಲಿ ಕೋಮು ಪ್ರಚೋದಕ ಟ್ವೀಟ್ ಮಾಡಿದ್ದರು. ಇದಕ್ಕೆ ಈ ಮೊದಲೇ ಟ್ವಿಟರ್ ಎಚ್ಚರಿಕೆ ನೀಡಿತ್ತು. ಆದರೆ ಅದಕ್ಕೆ ರಂಗೋಲಿ ಕಿವಿಗೊಟ್ಟಿರಲಿಲ್ಲ.
ಹೀಗಾಗಿ ಈಗ ಖಾತೆಯನ್ನೇ ರದ್ದುಗೊಳಿಸಲಾಗಿದೆ. ಇನ್ನು, ರಂಗೋಲಿ ಟ್ವಿಟರ್ ಖಾತೆ ರದ್ದು ಮಾಡಿರುವ ವಿಚಾರ ಕುರಿತಂತೆ ಟ್ವಿಟರ್ ನಲ್ಲಿ ಪರ-ವಿರೋಧ ಚರ್ಚೆ ವ್ಯಕ್ತವಾಗಿದೆ.
