ಮುಂಬೈ: ಕೊರೋನಾ ವಿರುದ್ಧ ತಮ್ಮ ಕುಟುಂಬ, ವೈಯಕ್ತಿಕ ಜೀವನವನ್ನೂ ಪಣಕ್ಕಿಟ್ಟು ಹೋರಾಡುತ್ತಿರುವ ನಾಲ್ವರು ಮಹಿಳೆಯರಿಗೆ ನಟಿ ಪ್ರಿಯಾಂಕ ಚೋಪ್ರಾ ಮತ್ತು ಬೋನ್ ವಿವ್ ಸಂಸ್ಥೆ ಜಂಟಿಯಾಗಿ ನಗದು ಬಹುಮಾನ ನೀಡಿ ಗೌರವಿಸಲಿದ್ದಾರೆ.
ಕೊರೋನಾ ವಿರುದ್ಧ ಹೋರಾಡುತ್ತಿರುವ ನಾಲ್ವರು ಮಹಿಳೆಯರ ಹೆಸರು ವೋಟಿಂಗ್ ಮೂಲಕ ಸೂಚಿಸಲು ಪ್ರಿಯಾಂಕ ತಮ್ಮ ಇನ್ ಸ್ಟಾಗ್ರಾಂ ಫಾಲೋವರ್ ಗೆ ಹೇಳಿದ್ದರು. ಅದರಂತೆ ತಮ್ಮ ಕುಟುಂಬದಿಂದ ದೂರವಿದ್ದು, ರೋಗಿಗಳ ಶುಶ್ರೂಷೆ ಮಾಡುತ್ತಿರುವ ಎಮಿಲಿ, ಜೋ, ಎನ್ 95 ಮಾಸ್ಕ್ ತಯಾರಿಸಲು ಶ್ರಮಿಸಿದ ಜಯಾ ಮತ್ತು ಜೆನ್ನಿ ಎಂಬವರಿಗೆ ಬಹುಮಾನ ನೀಡಲಿದ್ದಾರೆ.
ಇವರೆಲ್ಲರಿಗೂ 100,000 ಡಾಲರ್ ಬಹುಮಾನ ಮೊತ್ತ ನೀಡಲು ಪ್ರಿಯಾಂಕ ಮತ್ತು ಬೋನ್ ವಿವ್ ಸಂಸ್ಥೆ ನಿರ್ಧರಿಸಿದೆ. ಇವರೆಲ್ಲರ ಶ್ರಮವನ್ನು ಪ್ರಿಯಾಂಕ ತಮ್ಮ ಇನ್ ಸ್ಟಾ ಪೇಜ್ ನಲ್ಲಿ ಕೊಂಡಾಡಿದ್ದಾರೆ.
