ಬಾಡಿಗೆ ಕಟ್ಟದ ಬಾಲಿವುಡ್ ತಾರೆಯನ್ನು ಹೊರ ಹಾಕಿದ ಫ್ರಾನ್ಸ್ ಕೋರ್ಟ್!

ಮನೆಯ ಬಾಡಿಗೆ ಕಟ್ಟಿಲ್ಲ ಎಂದು ಬಾಲಿವುಡ್ ನ ಖ್ಯಾತ ನಟಿ ಮಲ್ಲಿಕಾ ಶೆರಾವತ್ ಅವರನ್ನು ಫ್ರಾನ್ಸ್ ಕೋರ್ಟ್ ಮನೆಯಿಂದ ಹೊರ ಹಾಕಿದೆಯಂತೆ. ಈ ಕುರಿತು ಮಾಧ್ಯಮವೊಂದು ವರದಿ ಮಾಡಿದ್ದು, ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನಲ್ಲಿರುವ ಮಲ್ಲಿಕಾ ಶೆರಾವತ್ ಅವರ ಫ್ಲ್ಯಾಟ್ ಬಾಡಿಗೆ 94 ಸಾವಿರ ಡಾಲರ್ ಹಣ ಕಟ್ಟಿಲ್ಲ ಎಂದು ಫ್ರಾನ್ಸ್ ಕೋರ್ಟ್ ಅವರನ್ನು ಹೊರಗೆ ಹಾಕಿದೆ.

ಮಲ್ಲಿಕಾ ಉಳಿದುಕೊಂಡಿರುವ ಫ್ಲ್ಯಾಟ್ ನ ಮಾಲೀಕ ಈ ಬಗ್ಗೆ ಪ್ಯಾರಿಸ್ ಕೋರ್ಟ್ ಗೆ ದೂರು ನೀಡಿ ಮಲ್ಲಿಕಾ ಶೆರಾವತ್ ಅವರು, 78,787 ಯೂರೋ (ಸುಮಾರು 60 ಲಕ್ಷ) ಬಾಡಿಗೆ ನೀಡಬೇಕು ಎಂದು ಆರೋಪಿಸಿದ್ದರು. 

ಬಾಡಿಗೆ ಪಾವತಿ ಮಾಡದ ಕಾರಣ ಸ್ವತಃ ಪ್ಯಾರಿಸ್ ಕೋರ್ಟ್ ಮಲ್ಲಿಕಾ ಮತ್ತು ಅವರ ಪತಿಯನ್ನು ಮನೆಯಿಂದ ಹೊರಗೆ ಹಾಕಿದೆ. ಅಲ್ಲದೆ ಅವರ ಮನೆಯ ಪೀಠೋಪಕರಣಗಳನ್ನು ಜಪ್ತಿ ಮಾಡಿದ್ದು, ಬಾಡಿಗೆ ರೂಪದಲ್ಲಿ ಬರ ಬೇಕಾಗಿರುವ ಹಣವನ್ನು ಇದರ ಮೂಲಕ ಸ್ವೀಕರಿಸುವಂತೆ ಮಾಲೀಕರಿಗೆ ಸೂಚನೆ ನೀಡಿದೆ

ಈ ಹಿಂದೆ ಎದ್ದಿದ್ದ ಸುದ್ದಿಗೆ ಸಂಬಂಧಿಸಿದಂತೆ ಟ್ವಿಟರ್‌ನಲ್ಲಿ ಪ್ರತಿಕ್ರಿಯೆ ನೀಡಿದ್ದ ಮಲ್ಲಿಕಾ ಶೆರಾವತ್, "ನಾನು ಫ್ರಾನ್ಸ್‌ನಲ್ಲಿ ಯಾವುದೇ ಅಪಾರ್ಟ್‌ಮೆಂಟ್ ಹೊಂದಿಲ್ಲ, ಜನರು ಹಬ್ಬಿಸಿರುವ ಸುದ್ದಿ ಶುದ್ಧ ಸುಳ್ಳು! ಆದರೆ ಯಾರಾದರೂ ನನಗೆ ಕೊಡುಗೆಯಾಗಿ ಫ್ರಾನ್ಸ್‌ನಲ್ಲಿ ಅಪಾರ್ಟ್‌ಮೆಂಟ್ ನೀಡುವುದಾದಲ್ಲಿ ನನಗೆ ವಿಳಾಸ ಕಳುಹಿಸಿ" ಎಂದು ಹೇಳಿದ್ದರಲ್ಲದೇ, ಈಗ ಹಬ್ಬಿರುವ ಸುದ್ದಿಗಳೆಲ್ಲಾ ಶುದ್ಧ ಸುಳ್ಳು ಎಂದು ಟ್ವೀಟ್ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.