ಹೈದರಾಬಾದ್: ಇತ್ತೀಚೆಗಷ್ಟೇ ಬಾಹುಬಲಿ ತಾರೆ ಪ್ರಭಾಸ್ ಈ ವರ್ಷವೇ ಮದುವೆಯಾಗುತ್ತಾರೆ ಎಂಬ ಸುದ್ದಿಗಳು ಹಬ್ಬಿದ್ದವು. ಅದರ ಜತೆಗೆ ಪ್ರಭಾಸ್ ಅನುಷ್ಕಾರನ್ನೇ ಮದುವೆಯಾಗುತ್ತಾರೆ ಎಂದೂ ಲೆಕ್ಕ ಹಾಕಲಾಗಿತ್ತು.
ತೆರೆ ಮೇಲೆ ಹಲವು ಹಿಟ್ ಗಳನ್ನು ಕೊಟ್ಟ ಇವರಿಬ್ಬರ ಟ್ವಿಟರ್ ಸಂದೇಶಗಳು, ಗಿಫ್ಟ್ ಗಳು ಇವರಿಬ್ಬರೂ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎಂಬ ಸುದ್ದಿಗೆ ಮತ್ತಷ್ಟು ಪುಷ್ಠಿ ಕೊಟ್ಟಿದ್ದವು. ಪ್ರಭಾಸ್ ತಾವು ಒಳ್ಳೆ ಸ್ನೇಹಿತರಷ್ಟೇ ಮದುವೆಯಾಗುತ್ತಿಲ್ಲ ಎಂದರೂ ಅಭಿಮಾನಿಗಳು ಸುಮ್ಮನೇ ಕೂರಲಿಲ್ಲ.
ಆದರೆ ಇದೀಗ ಪ್ರಭಾಸ್ ಮದುವೆ ಬಗ್ಗೆ ಸುದ್ದಿ ಬಂದ ಮೇಲೆ ಮತ್ತೊಮ್ಮೆ ಅನುಷ್ಕಾ ಕೇಂದ್ರ ಬಿಂದುವಾಗಿದ್ದಾರೆ. ಹೀಗಾಗಿ ಸ್ವತಃ ಅನುಷ್ಕಾ ಇದಕ್ಕೆ ಸ್ಪಷ್ಟನೆ ಕೊಟ್ಟಿದ್ದಾರೆ. ‘ನಾವಿಬ್ಬರೂ ಉತ್ತಮ ಸ್ನೇಹಿತರು. ನಾವು ಮದುವೆಯಾಗುತ್ತಿಲ್ಲ. ಸದ್ಯಕ್ಕೆ ನನಗೆ ಆ ಯೋಚನೆಯೂ ಇಲ್ಲ. ಸರಿಯಾದ ಹುಡುಗ ಬಂದಾಗ ನಾನು ಮದುವೆಯಾಗುತ್ತೇನೆ’ ಎಂದು ಅನುಷ್ಕಾ ಸ್ಪಷ್ಟನೆ ಕೊಟ್ಟಿದ್ದಾರೆ.
ಆದರೆ ಇವರಿಬ್ಬರ ಮನಸ್ಸಲ್ಲಿ ಮದುವೆಯಾಗಬೇಕೆಂಬ ಆಸೆ ಇದೆಯೋ ಇಲ್ಲವೋ.. ಆದರೆ ಅಭಿಮಾನಿಗಳಂತೂ ನಿಜ ಜೀವನದಲ್ಲೂ ಇವರೇ ಜೋಡಿಯಾಗಲಿ ಎಂದು ಮನದುಂಬಿ ಹಾರೈಸುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
