ಬೆಂಗಳೂರು: ಅನಾರೋಗ್ಯದ ಕಾರಣದಿಂದಾಗಿ ಬಿಗ್ ಬಾಸ್ ಮನೆಗೆ ಬಂದ ಒಂದೇ ದಿನಕ್ಕೆ ಚಿಕಿತ್ಸೆಗಾಗಿ ಹೊರಗೆ ಬಂದು ಮತ್ತೆ ಮನೆ ಸೇರಿಕೊಂಡಿದ್ದ ರವಿಬೆಳಗೆರೆ ಇಂದು ಮನೆಯಿಂದ ಹೊರ ಹೋಗುವ ಸಾಧ‍್ಯತೆಯಿದೆ.
ಬಿಗ್ ಬಾಸ್ ರವಿಬೆಳಗೆರೆ ಆರೋಗ್ಯದ ದೃಷ್ಟಿಯಿಂದ ಮುಂದಿನ ದಿನಗಳಲ್ಲಿ ಅವರನ್ನು ಸ್ಪರ್ಧಿಯಾಗಿ ಮುಂದುವರಿಸುತ್ತಿಲ್ಲ ಎಂದಿದ್ದರು. ಅದರ ಬದಲು ಒಂದು ವಾರ ಕಾಲ ಅತಿಥಿಯಾಗಿರಲಿದ್ದಾರೆ ಎಂದಿದ್ದರು. ಅದರ ಪ್ರಕಾರ ಇಂದು ರವಿ ಬೆಳಗೆರೆ ಮನೆಯಿಂದ ಹೊರ ಹೋಗಬೇಕು.
ಆದರೆ ಅವರು ಮನೆಯಲ್ಲಿದ್ದಷ್ಟು ದಿನ ಅತ್ಯುತ್ತಮವಾಗಿ ಮಾತನಾಡುತ್ತಾ, ಒಳ್ಳೊಳ್ಳೆ ಕತೆ ಹೇಳುತ್ತಾ ರಂಜಿಸಿದ್ದರು. ವೀಕ್ಷಕರಿಗೆ ಹಲವು ಹೊಸ ವಿಚಾರಗಳನ್ನು ಅವರ ಬಾಯಿಯಿಂದ ತಿಳಿದಿತ್ತು. ಆದರೆ ಅವರು ಮುಂದಿನ ದಿನಗಳಲ್ಲಿ ಮನೆಯಲ್ಲಿ ಇಲ್ಲ ಎಂಬುದು ಕೆಲವು ವೀಕ್ಷಕರಿಗೆ ಬೇಸರವುಂಟು ಮಾಡಿದೆ. ಕನಿಷ್ಠ ಅವರನ್ನು ಇನ್ನೂ ಒಂದು ವಾರ ಕಾಲ ಬಿಗ್ ಬಾಸ್ ಮನೆಯಲ್ಲಿ ಮುಂದುವರಿಸಿ ಎಂದು ಸಾಮಾಜಿಕ ಜಾಲತಾಣದ ಮೂಲಕ ಅಭಿಮಾನಿಗಳು ಆಗ್ರಹಿಸುತ್ತಿದ್ದಾರೆ. ಆದರೆ ಅವರು ಇಂದು ಮನೆಯಿಂದ ಹೊರನಡೆಯುವ ಸಾಧ‍್ಯೆಯೇ ಹೆಚ್ಚು.