ಬೆಂಗಳೂರು: ಬಿಗ್ ಬಾಸ್ ಕನ್ನಡ ಪ್ರತೀ ಸೀಸನ್ ನಲ್ಲೂ ಒಂದೊಂದು ಜೋಡಿಯ ನಡುವೆ ಕ್ರಶ್ ಇದ್ದೇ ಇತ್ತು. ಈ ಬಾರಿಯೂ ಇದು ಮುಂದುವರಿಯುವ ಹಾಗಿದೆ.
ಅಯ್ಯಪ್ಪ-ಪೂಜಾ ಗಾಂಧಿ, ಜೆಕೆ-ಶ್ರುತಿ, ಜಗನ್-ಆಶಿತಾ ನಡುವೆ ನಿಜವಾಗಿಯೂ ಕ್ರಶ್ ಇತ್ತೋ ಇಲ್ಲವೋ ಗೊತ್ತಿಲ್ಲ. ಆದರೆ ಕಿಚ್ಚ ಸುದೀಪ್ ಮಾತ್ರ ಪ್ರತೀ ವಾರವೂ ಇವರ ಕಾಲೆಳೆಯುತ್ತಲೇ ಇದ್ದರು. ಸೋಷಿಯಲ್ ಮೀಡಿಯಾಗಳಲ್ಲೂ ಈ ಜೋಡಿಗಳ ಬಗ್ಗೆ ಸಾಕಷ್ಟು ಚರ್ಚೆಯಾಗಿತ್ತು. ಇವರ ಪೈಕಿ ಚಂದನ್-ನಿವೇದಿತಾ ನಿಜ ಜೀವನದಲ್ಲೂ ಜೋಡಿಯಾಗುತ್ತಿರುವುದು ವಿಶೇಷ.
ಇದೀಗ ಈ ಸೀಸನ್ ನಲ್ಲೂ ಬಿಗ್ ಬಾಸ್ ಒಂದು ಜೋಡಿ ಹುಟ್ಟುಹಾಕುವಂತೆ ಕಾಣುತ್ತಿದೆ. ನಿನ್ನೆಯ ಎಪಿಸೋಡ್ ನಲ್ಲಿ ವಾಸುಕಿ ವೈಭವ್ ಚಂದನಾ ಬಳಿ ಮನೆ ನೆನಪಾದಾಗಲೆಲ್ಲಾ ಒರಗೋದಿಕ್ಕೆ ನನ್ನ ಹೆಗಲು ಸದಾ ತೆರೆದಿರುತ್ತದೆ ಎಂದಿದ್ದೇ ತಡ. ವೀಕ್ಷಕರಿಗೆ, ವಾಹಿನಿಗೆ ಕಾಲೆಳೆಯಲು ಒಂದು ವಸ್ತುವಾಗಿದ್ದಾರೆ. ಈ ವಾರದ ಕೊನೆಯಲ್ಲಿ ಕಿಚ್ಚ ಸುದೀಪ್ ಖಂಡಿತಾ ಈ ವಿಚಾರವನ್ನು ಎತ್ತಿ ತಮಾಷೆ ಮಾಡುವುದಂತೂ ಖಂಡಿತಾ. ಈ ಜೋಡಿಯ ಕತೆ ಎಲ್ಲಿಯವರೆಗೆ ಮುಟ್ಟುತ್ತದೆ ನೋಡಬೇಕು.
