ಕವಿತಾ ಗೌಡಗೆ ‘ಕ್ಯೂಟ್’ ಎಂದ ಚಂದನ್: ಸುಮ್ನಿರ್ತಾರಾ ಅಭಿಮಾನಿಗಳು!

ಬೆಂಗಳೂರು: ಕಿರುತೆರೆಯ ಮೋಸ್ಟ್ ಫೇವರಿಟ್ ಜೋಡಿ ಕವಿತಾ ಗೌಡ ಮತ್ತು ಚಂದನ್ ಕುಮಾರ್ ನಡುವೆ ಏನೋ ಇದೆ ಎಂಬ ಗಾಸಿಪ್ ಸುದ್ದಿಗಳಿಗೆ ತಕ್ಕ ಹಾಗೇ ಅವರೂ ನಡೆದುಕೊಳ್ಳುತ್ತಿದ್ದಾರೆ.

ಮೊನ್ನೆಯಷ್ಟೇ ಕವಿತಾ ಜತೆಗೆ ಕ್ಲೋಸಪ್ ಫೋಟೋ ಪ್ರಕಟಿಸಿ ಟ್ರೋಲ್ ಗೊಳಗಾಗಿದ್ದ ಚಂದನ್ ಈಗ ಮತ್ತೆ ಕವಿತಾ ಜತೆಗಿನ ಆತ್ಮೀಯ ಫೋಟೋ ಪ್ರಕಟಿಸಿ ಆಕೆಯನ್ನು ಕ್ಯೂಟ್ ಫ್ರೆಂಡ್ ಎಂದಿರುವುದು ಅಭಿಮಾನಿಗಳಲ್ಲಿ ಮತ್ತೆ ಕುತೂಹಲ ಮೂಡಿಸಿದೆ.

ನಾವು ಕೇವಲ ಸ್ನೇಹಿತರು ಎಂದು ಚಂದನ್ ಈ ಮೊದಲು ಸ್ಪಷ್ಟನೆ ಕೊಟ್ಟರೂ ಅಭಿಮಾನಿಗಳು ಮತ್ತೆ  ಲವರ್ ಗಳು ಎಂದು ಕಾಲೆಳೆಯುವುದನ್ನು ಮಾತ್ರ ಬಿಟ್ಟಿಲ್ಲ. ಚಂದನ್ ರನ್ನು ವಿಮಾನ ನಿಲ್ದಾಣಕ್ಕೆ ಡ್ರಾಪ್ ಮಾಡಲು ಸ್ವತಃ ತಾವೇ ಕಾರು ಚಲಾಯಿಸಿಕೊಂಡು ಕವಿತಾ ಬಂದಿದ್ದರಂತೆ. ಸ್ನೇಹಿತೆಯ ಈ ಕಾಳಜಿಗೆ ಧನ್ಯವಾದ ಸಲ್ಲಿಸುತ್ತಾ ಚಂದನ್ ‘ನನ್ನನ್ನು ಏರ್ ಪೋರ್ಟ್ ವರೆಗೂ ಬಿಟ್ಟ ಕ್ಯೂಟ್ ಡ್ರೈವರ್’ ಎಂದು ಬರೆದುಕೊಂಡಿದ್ದಾರೆ. ಜತೆಗೆ ಕವಿತಾ ಜತೆಗೆ ತೀರಾ ಅಕ್ಕ ಪಕ್ಕ ಕುಳಿತಿರುವ ಫೋಟೋವೊಂದನ್ನು ಪ್ರಕಟಿಸಿದ್ದಾರೆ. ಇದನ್ನು ನೋಡಿದ ಅಭಿಮಾನಿಗಳು ನೀವು ಪ್ರೇಮಿಗಳು ಎನ್ನುವುದರಲ್ಲಿ ಡೌಟೇ ಇಲ್ಲ ಎಂದು ಕಾಮೆಂಟಿಸಿದ್ದಾರೆ.