ಕಮಲಿ ಜೋಡಿ ರಿಷಿ-ಕಮಲಿ ನಿಜ ಜೀವನದಲ್ಲೂ ಜೋಡಿಯಾಗ್ತಾರಾ? ಲೈವ್ ನಲ್ಲಿ ನಟಿ ಹೇಳಿದ್ದೇನು?

ಬೆಂಗಳೂರು: ಇತ್ತೀಚೆಗೆ ಕಮಲಿ ಧಾರವಾಹಿ ನಟಿ ಗ್ಯಾಬ್ರಿಯಾಲಾ ಮತ್ತು ಅದೇ ಧಾರವಾಹಿಯಲ್ಲಿ ಶಂಭು ಪಾತ್ರ ಮಾಡುತ್ತಿದ್ದ ಸುಹಾಸ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.

ಈ ಧಾರವಾಹಿಯಲ್ಲಿ ನಾಯಕ-ನಾಯಕಿ ಪಾತ್ರ ಮಾಡುತ್ತಿರುವ ನಿರಂಜನ್ ಮತ್ತು ಅಮೂಲ್ಯ ಗೌಡ ನಿಜ ಜೀವನದಲ್ಲೂ ಜೋಡಿಯಾಗಲಿ ಎಂದು ಅಭಿಮಾನಿಗಳು ಹಾರೈಸುತ್ತಿರುತ್ತಾರೆ. ಸ್ಕ್ರೀನ್ ಮೇಲೆ ಈ ಜೋಡಿ ಅಷ್ಟು ಮೋಡಿ ಮಾಡಿದೆ. ತೆರೆ ಹಿಂದೆಯೂ ಇಬ್ಬರೂ ಉತ್ತಮ ಬಾಂಧವ್ಯವಿಟ್ಟುಕೊಂಡಿದ್ದಾರೆ ಎನ್ನುವುದು ಗೊತ್ತೇ ಇದೆ.

ಇವರಿಬ್ಬರ ಬಾಂಧವ್ಯ ನೋಡಿ ಇನ್ ಸ್ಟಾ ಲೈವ್ ಬಂದಿದ್ದ ಕಮಲಿ ಅಲಿಯಾಸ್ ಅಮೂಲ್ಯಗೆ ಅಭಿಮಾನಿಯೊಬ್ಬರು ನೀವು ನಿಜ ಜೀವನದಲ್ಲೂ ಮದುವೆ ಆಗ್ತೀರಾ ಎಂದು ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಅಮೂಲ್ಯ, ಖಂಡಿತಾ ಮದುವೆ ಆಗ್ತೀವಿ, ಆದರೆ ನಾವಿಬ್ಬರೂ ಅಲ್ಲ. ನಾನು ನನ್ನ ಹುಡುಗನನ್ನು, ರಿಷಿ ಅವರ ಹುಡುಗಿಯನ್ನು ಮದುವೆ ಆಗ್ತಾರೆ. ನಮ್ಮ ನಡುವೆ ಅಂತಹದ್ದೇನೂ ಇಲ್ಲ. ಇದ್ದರೆ ಖಂಡಿತಾ ನಿಮಗೆ ತಿಳಿಸುತ್ತೇವೆ ಎಂದಿದ್ದಾರೆ.