ಬೆಂಗಳೂರು: ಬಿಗ್ ಬಾಸ್ ಮನೆಯೊಳಗೆ ಸದಾ ಸ್ಪರ್ಧಿಗಳ ಜತೆ ವಾದಕ್ಕೆ ನಿಲ್ಲುತ್ತಾ ಜಗಳಗಂಟ ಎಂದೇ ಕುಖ್ಯಾತಿಗೆ ಒಳಗಾಗಿದ್ದ ಜಗನ್ ಈ ವಾರ ಯಾಕೋ ಕೂಲ್ ಆಗಿದ್ದಾರೆ. ಇದಕ್ಕೆಲ್ಲಾ ಕಾರಣ ಸದಾ ನಗುಮೊಗದಿಂದಿರುವ ಜೆಕೆ ಸಹವಾಸವಾ?
ಈ ವಾರ ಟಾಸ್ಕ್ ಗೆ ಸಂಬಂಧಿಸಿದಂತೆ ಬಿಗ್ ಬಾಸ್ ಸ್ಪರ್ಧಿಗಳನ್ನು ಜೋಡಿಗಳಾಗಿ ಮಾಡಿ ಕೋಳ ತೊಡಿಸಿಬಿಟ್ಟಿದ್ದಾರೆ. ಇವರಲ್ಲಿ ಜೆಕೆ ಮತ್ತು ಜಗನ್ ಇಬ್ಬರೂ ಒಂದು ಜೋಡಿ. ಅಷ್ಟೇ ಅಲ್ಲದೆ, ಈ ವಾರದ ಆರಂಭದಲ್ಲಿಯೇ ಜೆಕೆ, ಜಗನ್ ಬಳಿ ಮಾತನಾಡುವಾಗ ನಿನ್ನನ್ನು ಕಂಡ್ರೆ ನಂಗೆ ತುಂಬಾ ಪ್ರೀತಿ. ನೀನು ಚೆನ್ನಾಗಿಯೇ ಆಡ್ತೀಯಾ. ಆದ್ರೆ ವಿನಾಕಾರಣ ಕೋಪ ಮಾಡ್ಕೊಂಡು ಎಲ್ಲಾ ಹಾಳು ಮಾಡಿಕೊಳ್ತೀಯಾ ಎಂದು ಸಲಹೆ ನೀಡಿದ್ದಾರೆ.
ಅಷ್ಟೇ ಅಲ್ಲದೆ, ಈ ವಾರ ಕೂಲ್ ಜೆಕೆ ಜತೆಗಿನ ಸಹವಾಸದ ಪ್ರಭಾವವೋ. ಈ ವಾರ ಜಗನ್ ನಗು ನಗುತ್ತಲೇ ಟಾಸ್ಕ್ ಮಾಡಿದ್ದಾರೆ. ತಮಾಷೆ ಮಾಡುತ್ತಾ ಕಾಲ ಕಳೆದಿದ್ದಾರೆ. ಅಂತೂ ಜೆಕೆ ಸಹವಾಸದಿಂದ ಆಂಗ್ರಿ ಯಂಗ್ ಮ್ಯಾನ್ ಜಗನ್ ಕೂಲ್ ಆಗಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
