ಕನ್ನಡ ಕಿರುತೆರೆಯಲ್ಲಿ ಬಾಹುಬಲಿ ಸಿನಿಮಾ: ನೆಟ್ಟಿಗರಿಗೆ ಈ ವಿಚಾರಕ್ಕೆ ಅಸಮಾಧಾನ

ಬೆಂಗಳೂರು: ರಾಜಮೌಳಿ ನಿರ್ದೇಶನದ ಬಾಹುಬಲಿ ಭಾಗ 1 ಸಿನಿಮಾ ಕನ್ನಡ ಕಿರುತೆರೆಯಲ್ಲಿ ಇದೇ ಮೊದಲ ಬಾರಿಗೆ ಪ್ರಸಾರವಾಗುತ್ತಿದೆ.

ಈ ಕನ್ನಡ ಡಬ್ ಅವತರಣಿಕೆಯನ್ನು ಪ್ರಸಾರ ಮಾಡುತ್ತಿರುವುದು ಕಲರ್ಸ್ ಕನ್ನಡ ವಾಹಿನಿ. ಈ ದೀಪಾವಳಿಗೆ ಅಂದರೆ ನವಂಬರ್ 15 ರಂದು ಸಂಜೆ 4.30 ಕ್ಕೆ ಸಿನಿಮಾ ಪ್ರಸಾರವಾಗುತ್ತಿದೆ. ಆದರೆ ಕನ್ನಡ ಡಬ್ ಅವತರಣಿಕೆಯಲ್ಲಿ ನಾಯಕ ಪ್ರಭಾಸ್ ಗೆ ನೀಡಿದ ಧ‍್ವನಿ ಬಗ್ಗೆ ವೀಕ್ಷಕರು ಆಕ್ಷೇಪವೆತ್ತಿದ್ದಾರೆ. ಈ ಧ್ವನಿ ಪ್ರಭಾಸ್ ಗೆ ಸೂಟ್ ಆಗ್ತಿಲ್ಲ ಎಂದು ಕೆಲವರು ಹೇಳಿದರೆ ಮತ್ತೆ ಕೆಲವರು ಕನ್ನಡದಲ್ಲಿ ಸಿನಿಮಾಗೆ ಕೊರತೆ ಇತ್ತಾ? ಯಾಕೆ ಪರಭಾಷೆ ಸಿನಿಮಾ ಹಾಕ್ತಿದ್ದೀರಿ ಎಂದು ಇನ್ನು ಕೆಲವರು ಆಕ್ಷೇಪಿಸಿದ್ದಾರೆ.