ಚಿನ್ನದ ಎಸೆತಕ್ಕೆ ಮೊದಲು ನೀರಜ್ ಜ್ವಾವೆಲಿನ್ ಹೊತ್ತೊಯ್ದಿದ್ದ ಪಾಕ್ ಆಟಗಾರ!

ನವದೆಹಲಿ: ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಜ್ವಾವೆಲಿನ್ ಥ್ರೋ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದ ನೀರಜ್ ಚೋಪ್ರಾ ತಮ್ಮ ಮೊದಲ ಎಸೆತಕ್ಕೆ ಮೊದಲು ನಡೆದ ಘಟನೆಯನ್ನು ಬಹಿರಂಗಪಡಿಸಿದ್ದಾರೆ.

Photo Courtesy: Twitter

ಮೊದಲ ಎಸೆತದಲ್ಲೇ ನೀರಜ್ 87.58 ದೂರ ಎಸೆದು ಚಿನ್ನಕ್ಕೆ ಗುರಿಯಿಟ್ಟಿದ್ದರು. ಆದರೆ ಈ ಎಸೆತ ಎಸೆಯುವ ಮೊದಲು ಅವರ ಜ್ವಾವೆಲಿನ್ ನಾಪತ್ತೆಯಾಗಿತ್ತಂತೆ.

‘ಹುಡುಕಾಡಿದಾಗ ಅದು ಪಾಕ್ ಆಟಗಾರ ಅರ್ಶದ್ ನದೀಂ ಕೈಯಲ್ಲಿತ್ತು. ನಾನು ತಕ್ಷಣವೇ ಅವರ ಬಳಿ ಹೋಗಿ ಈ ಜ್ವಾವೆಲಿನ್ ನನಗೆ ಕೊಡಿ, ಇದು ನನ್ನದು. ನಾನೀಗ ಇದನ್ನೇ ಎಸೆಯಬೇಕು ಎಂದರಂತೆ. ಬಳಿಕ ಅವರು ಜ್ವಾವೆಲಿನ್ ನೀಡಿದರು. ಹೀಗಾಗಿ ಅವಸರದಲ್ಲಿ ಹೋಗಿ ಮೊದಲ ಎಸೆತ ಎಸೆದೆ’ ಎಂದು ನೀರಜ್ ಹೇಳಿದ್ದಾರೆ. ಹಾಗಿದ್ದರೂ ಅವರು ಮೊದಲ ಸ್ಥಾನ ಪಡೆದಿದ್ದು ಈಗ ಇತಿಹಾಸ.