ಈ ಖ್ಯಾತ ಫುಟ್ಬಾಲಿಗನ ವೃತ್ತಿ ಜೀವನಕ್ಕೆ ಹೃದಯವೇ ತೊಡಕಾಯ್ತು

ನವದೆಹಲಿ: ಅರ್ಜೆಂಟೀನಾದ ಖ್ಯಾತ ಫುಟ್ಬಾಲಿಗ ಸೆರ್ಗಿಯೊ ಆಗ್ವೆರೊ ಈಗ ತಮ್ಮ ವೃತ್ತಿಜೀವನವನ್ನೇ ಕೊನೆಗಾಣಿಸುವ ಯೋಚನೆಯಲ್ಲಿದ್ದಾರೆ. ಇದಕ್ಕೆ ಕಾರಣ ಅವರ ಹೃದಯ!

ಬಾರ್ಸಿಲೋನಾ ಪರ ಲೀಗ್ ಕೂಟಗಳಲ್ಲಿ ಆಡುವ ಆಗ್ವೆರೊಗೆ ಹೃದಯದ ಸಮಸ್ಯೆಯಿದ್ದು, ಅದು ಇತ್ತೀಚೆಗೆ ಉಲ್ಬಣಿಸಿದೆ. ಇದೀಗ ಅಲಾವೆಸ್ ತಂಡದ ವಿರುದ್ಧ ಆಡುವಾಗ ಸಮಸ್ಯೆ ಕಾಣಿಸಿಕೊಂಡಿತ್ತು. ಇದರಿಂದಾಗಿ ಕೆಲವು ಸಮಯ ಅವರು ಪಂದ್ಯದಿಂದ ಹೊರಗುಳಿದರು.

ಅವರ ಹೃದಯದ ಆರೋಗ್ಯ ಸಮಸ್ಯೆ ತೀವ್ರತರನಾಗಿದ್ದು, ಇದರಿಂದಾಗಿ ಅವರೀಗ ವೃತ್ತಿಜೀವನಕ್ಕೆ ಗುಡ್ ಬೈ ಹೇಳಬೇಕಾದ ಅನಿವಾರ್ಯತೆಯಲ್ಲಿದ್ದಾರೆ ಎನ್ನಲಾಗಿದೆ. ಅರ್ಜೆಂಟೀನಾ ಪರ 101 ಪಂದ್ಯಗಳನ್ನಾಡಿರುವ ಅಗ್ವೆರೊ 41 ಗೋಲು ಭಾರಿಸಿದ್ದಾರೆ.