ಇಂಫಾಲ್: ಟೋಕಿಯೋ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಮೀರಾಬಾಯಿ ಚಾನು ಕೊನೆಗೂ ತಮಗೆ ಹಿಂದೆ ಸಹಾಯ ಮಾಡಿದ ಟ್ರಕ್ ಡ್ರೈವರ್ ಗಳನ್ನು ಪತ್ತೆ ಮಾಡಿದ್ದಾರೆ.
ತಮ್ಮ ತರಬೇತಿ ದಿನಗಳಲ್ಲಿ ಉಚಿತವಾಗಿ ತಮ್ಮ ಗ್ರಾಮದಿಂದ ಇಂಫಾಲ್ ಗೆ ಡ್ರಾಪ್ ಕೊಡುತ್ತಿದ್ದ ಸರಕು ಸಾಗಣೆ ಟ್ರಕ್ ಗಳ ಡ್ರೈವರ್ ಗಳನ್ನು ನೆನೆಸಿಕೊಂಡಿದ್ದರು. ಅಲ್ಲದೆ, ತಮಗೆ ಸಹಾಯ ಮಾಡಿದ ಈ ಚಾಲಕರನ್ನು ಪತ್ತೆಹಚ್ಚಿ ಧನ್ಯವಾದ ಸಲ್ಲಿಸಲು ಬಯಸುವುದಾಗಿ ಹೇಳಿದ್ದರು. ಇದು ಭಾರೀ ಸುದ್ದಿಯಾಗಿತ್ತು.
ಇದೀಗ ಆ ಟ್ರಕ್ ಡ್ರೈವರ್ ಗಳೇ ಮೀರಾಬಾಯಿಯವರನ್ನು ಭೇಟಿಯಾಗಲು ಬಂದಿದ್ದಾರೆ. ಅವರನ್ನು ಭೇಟಿ ಮಾಡಿ ಧನ್ಯವಾದ ಸಲ್ಲಿಸಿರುವ ಮೀರಾಬಾಯಿ ಮತ್ತು ಕುಟುಂಬಸ್ಥರು ಅವರಿಗೆ ಉಡುಗೊರೆಗಳನ್ನು ನೀಡಿ ಸನ್ಮಾನಿಸಿದೆ.
