ಬರ್ಮಿಂಗ್ ಹ್ಯಾಮ್: ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ನಿನ್ನೆ ಕುಸ್ತಿಯಲ್ಲಿ ಭಾರತಕ್ಕೆ ಮತ್ತೊಂದು ಚಿನ್ನ ಬರಬೇಕಿತ್ತು. ಆದರೆ ಫೈನಲ್ ನಲ್ಲಿ ತಮ್ಮ ತಂತ್ರಗಾರಿಕೆಯಲ್ಲಿ ಎಡವಿದ ಅಂಶು ಮಲಿಕ್ ಸೋತು ಬೆಳ್ಳಿ ಪದಕಕ್ಕೆ ತೃಪ್ತಿಪಡಬೇಕಾಯಿತು.
57 ಕೆ.ಜಿ. ವಿಭಾಗದಲ್ಲಿ ಹಾಲಿ ಚಾಂಪಿಯನ್ ಆಗಿದ್ದ ಒಡುನಾಯೊ ವಿರುದ್ಧ ಆರಂಭದಲ್ಲೇ ಕೊಂಚ ಡಿಫೆನ್ಸಿವ್ ಟೆಕ್ನಿಕ್ ಗೆ ಮೊರೆ ಹೋಗಿದ್ದ ಅಂಶು ಸೋಲುವಂತಾಯಿತು.
ಸೋತ ಬಳಿಕ ತೀವ್ರ ನಿರಾಸೆ ಅನುಭವಿಸಿದ ಅಂಶು ಅಂಕಣದಲ್ಲೇ ಕೂತು ಕಣ್ಣೀರು ಹಾಕಿದರು. ಆದರೆ ಸುತ್ತಲೂ ನೆರೆದಿದ್ದ ಪ್ರೇಕ್ಷಕರು ಹರ್ಷೋದ್ಗಾರ ಮಾಡುವ ಮೂಲಕ ಅವರನ್ನು ಹುರಿದುಂಬಿಸಿದರು.
