ಬೆಂಗಳೂರು : ಬಾಳೆಹಣ್ಣಿನಿಂದ ಸಿಹಿ ಬೋಂಡ ತಯಾರಿಸಬಹುದು, ಅದು ತಿನ್ನಲು ಬಹಳ ರುಚಿಯಾಗಿ, ಸಿಹಿಯಾಗಿರುತ್ತದೆ. ಇದನ್ನು ತಯಾರಿಸುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ.
ಬೇಕಾಗುವ ಸಾಮಾಗ್ರಿಗಳು : 4 ಬಾಳೆಹಣ್ಣು, ½ ಕಪ್ ಗೋಧಿಹಿಟ್ಟು, ½ ಕಪ್ ತೆಂಗಿನಕಾಯಿ, ½ ಚಮಚ ಉಪ್ಪು, 4 ಚಮಚ ಬೆಲ್ಲ, ಎಣ್ಣೆ, ಸ್ವಲ್ಪ ಏಲಕ್ಕಿ ಪುಡಿ.
ಮಾಡುವ ವಿಧಾನ : ತೆಂಗಿನ ಕಾಯಿ, ಬಾಳೆಹಣ್ಣು, ಬೆಲ್ಲ ಮೂರನ್ನು ಸೇರಿಸಿ ಮಿಕ್ಸಿಯಲ್ಲಿ ರುಬ್ಬಿ. ಬಳಿಕ ಇದನ್ನು ಏಲಕ್ಕಿ ಪುಡಿ, ಗೋದಿಹಿಟ್ಟಿನ ಜೊತೆ ಸೇರಿಸಿ ಹಿಟ್ಟನ್ನು ತಯಾರಿಸಿ. ಬಳಿಕ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿಕೊಂಡು ಅದಕ್ಕೆ 1 ಚಮಚ ಈ ಹಿಟ್ಟನ್ನು ಹಾಕಿ ಕಂದು ಬಣ್ಣ ಬರುವವರರೆಗೂ ಹುರಿದರೆ ಬಾಳೆಹಣ್ಣಿನ ಸಿಹಿ ಬೋಂಡ ರೆಡಿ.
