ಮಗನೆದುರೇ ತಾಯಿಯ ಪ್ರಾಣ ಕಿತ್ತುಕೊಂಡರು!

ಇಂಧೋರ್: ಮಾಟಗಾತಿಯೆಂದು ಶಂಕಿಸಿ 40 ವರ್ಷದ ಮಹಿಳೆಯನ್ನು ಆಕೆಯ ಮಗನೆದುರೇ ಕೊಂದ ಧಾರುಣ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.

ಅಳಿಯ ಮತ್ತು ಆತನ ಕುಟುಂಬದವರು ಸೇರಿಕೊಂಡು ಈ ಕೃತ್ಯವೆಸಗಿದ್ದಾರೆ. ಆರೋಪಿ ಅಳಿಯ ಮತ್ತು ಮಹಿಳೆಯ ನಡುವೆ ಜೋರಾದ ವಾಗ್ವಾದ ನಡೆದಿತ್ತು. ಆಕೆ ಮಾಟ ಮಂತ್ರ ಮಾಡುತ್ತಾಳೆ ಎಂದು ಅಳಿಯ ತಗಾದೆ ತೆಗೆದಿದ್ದ. ಕಲಹ ತಾರಕಕ್ಕೇರಿದಾಗ ಆರೋಪಿಯ ತಂದೆ, ತಾಯಿ ಮತ್ತು ಪತ್ನಿಯೂ ಆತನ ಜೊತೆ ಸೇರಿಕೊಂಡರು.

ಕೊನೆಗೆ ಆರೋಪಿ ಅಳಿಯ ಮಹಿಳೆಗೆ ಚೂರಿಯಿಂದ ಇಳಿದು ಕೊಲೆ ಮಾಡಿದ್ದಾನೆ. ಈ ಕೃತ್ಯ ನಡೆಯುವಾಗ ಮಹಿಳೆಯ ಅಪ್ರಾಪ್ತ ಪುತ್ರ, ಹಾಗೂ ಕುಟುಂಬಸ್ಥರು ಮೂಕ ಪ್ರೇಕ್ಷಕರಂತೆ ನೋಡುತ್ತಿದ್ದರು. ಇದೀಗ ಕೇಸ್ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.