ಭೋಪಾಲ್: ಶೀಲಕೆಡಿಸಲು ಬಂದ ದುರುಳನ ಜೊತೆಗೆ ಹೋರಾಡಿದ ಮಹಿಳೆ ಆತನ ಗುಪ್ತಾಂಗವನ್ನೇ ಕತ್ತರಿಸಿದ ಘಟನೆ ಮಧ‍್ಯಪ್ರದೇಶದಲ್ಲಿ ನಡೆದಿದೆ.
ಮಹಿಳೆಯ ಪತಿ ಇಲ್ಲದ ವೇಳೆ ರಾತ್ರಿ ಮನೆಯೊಳಗೆ ನುಗ್ಗಿ ಮಾನಭಂಗ ಮಾಡಲೆತ್ನಿಸಿದ ಆರೋಪಿಯ ಜೊತೆ ಸೆಣಸಾಡಿದ 45 ವರ್ಷದ ಮಹಿಳೆ ಈ ಕೃತ್ಯವೆಸಗಿದ್ದಾಳೆ.
ಮನೆಯೊಳಗೆ ಕಳ್ಳ ನುಗ್ಗಿದ್ದಾನೆಂದು ಮಹಿಳೆ ಮಗನೊಂದಿಗೆ ಸುರಕ್ಷತೆಗಾಗಿ ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾಳೆ. ಆದರೆ ಆರೋಪಿ ಇಬ್ಬರ ಮೇಲೂ ಹಲ್ಲೆ ನಡೆಸಿದ್ದಾನೆ. ಈ ವೇಳೆ ಆಕೆಯೊಂದಿಗೆ ಸೆಣಸಾಡಿದ ಮಹಿಳೆ ಮಂಚದ ಕೆಳಗಿದ್ದ ಕಡುಗೋಲು ಹೊರತೆಗೆದು ಗುಪ್ತಾಂಗವನ್ನೇ ಕತ್ತರಿಸಿದ್ದಾಳೆ. ಬಳಿಕ ಪೊಲೀಸ್ ಠಾಣೆಗೆ ಬಂದು ದೂರು ನೀಡಿದ್ದಾಳೆ. ಇದೀಗ ಆರೋಪಿಯ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
