ರಾಯ್ಪುರ: ಆನ್ ಲೈನ್ ಜೂಜಾಟದ ಹುಚ್ಚಿಗೆ ಇಲ್ಲೊಬ್ಬ ಅಪ್ರಾಪ್ತ ಯುವಕನ ಜೀವವೇ ಕೊನೆಯಾಗಿದೆ. ಸಾಲ ವಾಪಸ್ ಮಾಡದ್ದಕ್ಕೆ ಸ್ನೇಹಿತನೇ ಗಂಟಲು ಸೀಳಿ ಯುವಕನ ಕತೆ ಮುಗಿಸಿದ್ದಾನೆ. ಈ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.
ಆನ್ ಲೈನ್ ಗೇಮ್ಸ್ ನ ಪ್ರೀಮಿಯರ್ ಮೆಂಬರ್ ಶಿಪ್ ಪಡೆಯಲು ಯುವಕ ಸ್ನೇಹಿತನಿಂದ 75 ಸಾವಿರ ರೂ. ಪಡೆದಿದ್ದ. ಇದನ್ನು ಮರಳಿಸದೇ ಇದ್ದಿದ್ದಕ್ಕೆ ಆತನ ಜೀವ ಕೊನೆಗೊಳಿಸಿದ್ದಾನೆ.
ಕಳೆದ ಐದು ದಿನಗಳಿಂದ ಯುವಕ ನಾಪತ್ತೆಯಾಗಿದ್ದ. ಈ ಸಂಬಂಧ ಆತನ ತಾಯಿ ಪೊಲೀಸರಿಗೆ ದೂರು ನೀಡಿದ್ದಳು. ವಿಚಾರಿಸಿದಾಗ ಆತನ ಸ್ನೇಹಿತನೇ ಅಪಹರಿಸಿ ಇಂತಹ ಹೇಯ ಕೃತ್ಯವೆಸಗಿರುವುದು ಬೆಳಕಿಗೆ ಬಂದಿದೆ. ಇದೀಗ ಆರೋಪಿಯನ್ನು ಬಂಧಿಸಲಾಗಿದ್ದು, ಮೃತ ಯುವಕನ ದೇಹ ಪಕ್ಕದ ಕಾಡೊಂದರಲ್ಲಿ ಪತ್ತೆಯಾಗಿದೆ.
