ಮನೆಗೆ ಬಂದ ಪ್ರಿಯತಮಗೆ ಪ್ರೇಮಿ ಹಾಗೂ ಆತನ ತಂದೆ ಸೇರಿ ಮಾಡಿದ್ದೇನು?

ಗುವಾಹಟಿ : 19 ವರ್ಷದ ಯುವತಿಯ ಮೇಲೆ ಆಕೆಯ ಪ್ರೇಮಿ ಹಾಗೂ ಆತನ ತಂದೆ ಸೇರಿ ಮಾನಭಂಗ ಎಸಗಿದ ಘಟನೆ ಅಸ್ಸಾಂನ ಕ್ಯಾಚರ್ ಜಿಲ್ಲೆಯ ಧೋಲ್ಕೆ ಪೊಲೀಸ್ ಠಾಣೆಯ ಮಿತಿಯಲ್ಲಿರುವ ಕನಕ್ಪುರ್ ಗ್ರಾಮದಲ್ಲಿ ನಡೆದಿದೆ.

ಆರೋಪಿಗಳನ್ನು ಪ್ರೀತಂ ಹಾಗೂ ಆತನ ತಂದೆ ಪಂಚು ನಾಥ್ ಎಂದು ಗುರುತಿಸಲಾಗಿದೆ. ಸಂತ್ರಸ್ತೆ 6 ತಿಂಗಳಿಂದ  ಪ್ರೀತಂನನ್ನು ಪ್ರೀತಿಸುತ್ತಿದ್ದಳು. ಮದುವೆ ವಿಚಾರ ಮಾತನಾಡಲು ಆಕೆ ಒಬ್ಬಳೆ ಪ್ರೀತಂ ಮನೆಗೆ ಹೋದಾಗ ಆತ ಹಾಗೂ ಆತನ ತಂದೆ ಸೇರಿ ಯುವತಿಯ ಮೇಲೆ ಮಾನಭಂಗ ಎಸಗಿದ್ದಾರೆ.

ಮನೆಗೆ ಬಂದ ಯುವತಿ ಈ ವಿಚಾರವನ್ನು ತಮ್ಮ ಮನೆಯವರಿಗೆ ತಿಳಿಸಿದ ಹಿನ್ನಲೆಯಲ್ಲಿ ಆರೋಪಿಗಳ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಆದರೆ ಇನ್ನೂ ಪೊಲೀಸರು ಆರೋಪಿಗಳನ್ನು ಬಂಧಿಸಿಲ್ಲ ಎಂದು ಆರೋಪಿಸಲಾಗಿದೆ.