Publish Date: Sat, 18 Jul 2026 (16:48 IST)
Updated Date: Sat, 18 Jul 2026 (16:52 IST)
ಸಮಾಜದಲ್ಲಿ ತಾಯಿಯ ಪ್ರೀತಿಯ ಬಗ್ಗೆ ನಾವೆಲ್ಲರೂ ಮಾತನಾಡುತ್ತೇವೆ. ಆದರೆ ಒಬ್ಬ ಒಂಟಿ ತಂದೆ ತನ್ನ ರಕ್ತ ಬೆವರು ಸುರಿಸಿ, ಎಂಟು ವರ್ಷಗಳ ಕಾಲ ಮಗಳನ್ನು ಹೆತ್ತ ತಾಯಿಗಿಂತಲೂ ಮಿಗಿಲಾಗಿ ಸಾಕಿ ಬೆಳೆಸಿದಾಗಲೂ, ವ್ಯವಸ್ಥೆ ಆತನಿಂದ ಆ ಮಗಳನ್ನು ಕಸಿದುಕೊಂಡಾಗ ಆಗುವ ನೋವು ಎಂಥದ್ದು ಎಂಬುದಕ್ಕೆ 38 ವರ್ಷದ ಬಸ್ ನಿರ್ವಾಹಕ ರಂಜೀಶ್ ಅವರ ಆತ್ಮಹತ್ಯೆ ಪ್ರಕರಣ ಕಣ್ಣುಮುಂದಿರುವ ಅತ್ಯಂತ ದಾರುಣ ಉದಾಹರಣೆಯಾಗಿದೆ.
ತನ್ನ ಪ್ರೀತಿಯ ಹೆಂಡತಿ ಕೈಕೊಟ್ಟು ಹೋದರೂ, ಕೇವಲ ಮಗಳ ಮುಖ ನೋಡಿ ಬದುಕಿದ್ದ ತಂದೆಗೆ ಕೋರ್ಟ್ ನೀಡಿದ ತೀರ್ಪು ಮರಣಶಾಸನವಾಯಿತು.
ರಂಜೀಶ್ ಬದುಕಿನ ಕರುಣಾಜನಕ ಕಥೆ
ಪ್ರೀತಿಯ ವಿವಾಹ ಮತ್ತು ಮಗಳ ಜನನ: ರಂಜೀಶ್ ತನಗಿಷ್ಟವಾದ ಹುಡುಗಿಯನ್ನು ಪ್ರೀತಿಸಿ ಮದುವೆಯಾಗಿದ್ದರು. ದಾಂಪತ್ಯದ ಫಲವಾಗಿ ಅವರಿಗೆ ಒಂದು ಸುಂದರ ಹೆಣ್ಣು ಮಗಳು ಜನಿಸಿದಳು.
ಹೆಂಡತಿಯ ದ್ರೋಹ: ಮಗಳು ಹುಟ್ಟಿ ಕೇವಲ ಎರಡು ವರ್ಷ ಕಳೆಯುವಷ್ಟರಲ್ಲಿ, ಆಕೆಯ ಪತ್ನಿ ಇವರನ್ನು ತೊರೆದು ಗಲ್ಫ್ ದೇಶಕ್ಕೆ ಕೆಲಸಕ್ಕೆ ಹೋದಳು. ಅಲ್ಲಿ ಮತ್ತೊಬ್ಬ ಪುರುಷನ ಪ್ರೀತಿಯಲ್ಲಿ ಬಿದ್ದ ಆಕೆ, ಇತ್ತ ಗಂಡ ಮತ್ತು ಹಸುಗೂಸು ಇಬ್ಬರನ್ನೂ ಸಂಪೂರ್ಣವಾಗಿ ಮರೆತುಬಿಟ್ಟಳು.
ಒಂಟಿ ತಂದೆಯಾಗಿ 8 ವರ್ಷಗಳ ಸಾಹಸ: ರಂಜೀಶ್ ಎದೆಗುಂದದೆ, ಬಸ್ ಕಂಡಕ್ಟರ್ ಕೆಲಸ ಮಾಡುತ್ತಾ ಬಂದ ಅಲ್ಪ ಆದಾಯದಲ್ಲೇ ಮಗಳ ಇಡೀ ಜವಾಬ್ದಾರಿಯನ್ನು ಹೊತ್ತರು. ತಾಯಿಯಿಲ್ಲದ ಕೊರತೆ ಮಗಳಿಗೆ ತಿಳಿಯಬಾರದು ಎಂದು ತಮ್ಮ ಇಡೀ ಪ್ರೀತಿ, ಸಮಯ ಮತ್ತು ಕಷ್ಟಾರ್ಜಿತ ಹಣವನ್ನು ಆಕೆಯ ಪಾಲನೆಗೇ ಮುಡಿಪಾಗಿಟ್ಟರು.
ಕೋರ್ಟ್ ತೀರ್ಪು ತಂದ ಆಘಾತ: ಮಗಳಿಗೆ 10 ವರ್ಷ ತುಂಬುತ್ತಿದ್ದಂತೆ, ಗಲ್ಫ್ನಲ್ಲಿದ್ದ ಆಕೆಯ ತಾಯಿ ಭಾರತಕ್ಕೆ ಬಂದು ಮಗಳ ಕಸ್ಟಡಿಗಾಗಿ ನ್ಯಾಯಾಲಯದ ಮೊರೆ ಹೋದಳು. ರಂಜೀಶ್ ತಾನು ಕೈಯಾರೆ ಬೆಳೆಸಿದ ಮಗಳನ್ನು ಉಳಿಸಿಕೊಳ್ಳಲು ಕೋರ್ಟ್ನಲ್ಲಿ ಸರ್ವಶಕ್ತಿಯಿಂದ ಹೋರಾಡಿದರು. ಆದರೆ, ನ್ಯಾಯಾಲಯವು ಮಗಳ ಕಸ್ಟಡಿಯನ್ನು ಹೆತ್ತ ತಾಯಿ ಮತ್ತು ಆಕೆಯ ಎರಡನೇ ಗಂಡನಿಗೆ ವಹಿಸಿ ಆದೇಶಿಸಿತು.
ಮೊದಲು ಹೆಂಡತಿಯನ್ನು ಕಳೆದುಕೊಂಡು, ನಂತರ ತಾನು ಪ್ರಾಣಕ್ಕಿಂತ ಹೆಚ್ಚಾಗಿ ನಂಬಿದ್ದ ಮಗಳನ್ನೂ ವ್ಯವಸ್ಥೆ ಕಿತ್ತುಕೊಂಡಾಗ ಸಂಪೂರ್ಣವಾಗಿ ಜರ್ಜರಿತರಾದ ರಂಜೀಶ್, ತೀವ್ರ ಮಾನಸಿಕ ಖಿನ್ನತೆಯಿಂದ ಕೊನೆಗೆ ತಮ್ಮ ಜೀವನವನ್ನೇ ಕೊನೆಗೊಳಿಸಿಕೊಂಡರು.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
