ನವದೆಹಲಿ: ಗಂಡನ ಸ್ನೇಹಿತನಿಂದಲೇ ಅತ್ಯಾಚಾರಕ್ಕೊಳಗಾದ ಮಹಿಳೆಗೆ ಗಂಡ ತ್ರಿವಳಿ ತಲಾಖ್ ನೀಡಿ ವಂಚಿಸಿದ್ದಾನೆ. ಇದೀಗ ಇಬ್ಬರೂ ಆರೋಪಿಗಳು ಪೊಲೀಸರ ಅತಿಥಿಗಳಾಗಿದ್ದಾರೆ.
2013 ರಲ್ಲಿ ಮಹಿಳೆಗೆ ಮದುವೆಯಾಗಿತ್ತು. ಇದೀಗ ಇಬ್ಬರು ಮಕ್ಕಳಿದ್ದಾರೆ. ಮದುವೆಯಾದಾಗಿನಿಂದಲೂ ಕ್ಷುಲ್ಲುಕ ಕಾರಣಗಳಿಗೆ ಗಂಡ ಕಿರುಕುಳ ನೀಡುತ್ತಲೇ ಇದ್ದಾನೆ. ಇದೀಗ ಮನೆಗೆ ಬಂದ ಗಂಡನ ಸ್ನೇಹಿತ ಆಕೆ ಮೇಲೆ ಅತ್ಯಾಚಾರವನ್ನೂ ನಡೆಸಿದ್ದಾನೆ.
ಗಂಡ, ಸ್ನೇಹಿತನ ಕಿರುಕುಳದಿಂದ ಬೇಸತ್ತ ಮಹಿಳೆ ಅಲ್ಲಿಂದ ತಪ್ಪಿಸಿಕೊಂಡು ಆಶ್ರಮವೊಂದನ್ನು ಸೇರಿದ್ದಳು. ಅಲ್ಲಿಗೂ ಬಂದು ಕಾಟ ಕೊಟ್ಟ ಆರೋಪಿಗಳು ಜೊತೆಗೆ ಬರುವಂತೆ ಒತ್ತಾಯಿಸಿದ್ದಾರೆ. ಆದರೆ ಮಹಿಳೆ ಒಪ್ಪದೇ ಇದ್ದಾಗ ಗಂಡ ತಲಾಖ್ ನೀಡಿದ್ದಾನೆ. ಇದೀಗ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದು ಇಬ್ಬರನ್ನೂ ಬಂಧಿಸಲಾಗಿದೆ.
