ಆಪರೇಷನ್ ಸಿಂಧೂರ್ ಮೊದಲ ದಿನವೇ ಭಾರತವನ್ನು ಪಾಕಿಸ್ತಾನ ಸೋಲಿಸಿತ್ತು: ಕಾಂಗ್ರೆಸ್ ನಾಯಕ ಪೃಥ್ವಿರಾಜ್ ವಿವಾದ

Photo Credit: X

ನವದೆಹಲಿ: ಪಹಲ್ಗಾಮ್ ದಾಳಿಗೆ ಪ್ರತೀಕಾರವಾಗಿ ಭಾರತ ನಡೆಸಿದ್ದ ಆಪರೇಷನ್ ಸಿಂಧೂರ್ ದಲ್ಲಿ ಪಾಕಿಸ್ತಾನದ ವಿರುದ್ಧ ಮೊದಲ ದಿನವೇ ಸೋತಿತ್ತು ಎಂದು ಕಾಂಗ್ರೆಸ್ ನಾಯಕ ಪೃಥ್ವಿರಾಜ್ ಚೌಹಾಣ್ ವಿವಾದಿತ ಹೇಳಿಕೆ ನೀಡಿದ್ದಾರೆ.

ಮಹಾರಾಷ್ಟ್ರದ ಮಾಜಿ ಸಿಎಂ, ಕಾಂಗ್ರೆಸ್ ನ ಪ್ರಮುಖ ನಾಯಕ ಪೃಥ್ವಿರಾಜ್ ಚೌಹಾಣ್ ಹೇಳಿಕೆ ಭಾರೀ ವಿವಾದಕ್ಕೆ ಕಾರಣವಾಗಿದೆ. ಭಾರತೀಯ ಯುದ್ಧ ವಿಮಾನಗಳನ್ನು ನಾಲ್ಕು ದಿನದ ಸಂಘರ್ಷದಲ್ಲಿ ಪಾಕ್ ಹೊಡೆದುರುಳಿಸಿತ್ತು ಎಂದೆಲ್ಲಾ ಬಡಬಡಿಸಿದ್ದಾರೆ.

‘ಮೊದಲ ದಿನ ನಾವು ಸಂಪೂರ್ಣವಾಗಿ ಸೋತಿದ್ದೆವು. ಮೇ 7 ರಂದು ಅರ್ಧಗಂಟೆ ನಡೆದ ವಾಯು ದಾಳಿಯಲ್ಲಿ ನಾವು ಸೋತಿದ್ದೆವು. ಇದನ್ನು ಜನ ಒಪ್ಪುತ್ತಾರೋ, ಬಿಡುತ್ತಾರೋ ಆದರೆ ಇದು ನಿಜ. ಭಾರತೀಯ ಯುದ್ಧ ವಿಮಾನಗಳನ್ನು ಹೊಡೆದುರುಳಿಸಲಾಗಿತ್ತು. ವಾಯುಸೇನೆ ಸಂಪೂರ್ಣ ಶರಣಾಗಿತ್ತು. ಒಂದೇ ಯುದ್ಧ ವಿಮಾನವೂ ಹಾರಾಡಲಿಲ್ಲ. ಗ್ವಾಲಿಯರ್, ಬಟಿಂಡಾ ಅಥವಾ ಸಿರ್ಸಾದಿಂದ ಯಾವುದೇ ವಿಮಾನ ಹಾರಾಡಿದ್ದರೆ ಪಾಕಿಸ್ತಾನ ಹೊಡೆದುರುಳಿಸಿತ್ತು. ಅದಕ್ಕಾಗಿ ವಾಯು ಪಡೆ ಒಂದೇ ಒಂದು ವಿಮಾನ ಹಾರಿಸಲಿಲ್ಲ’ ಎಂದಿದ್ದಾರೆ.

ಭವಿಷ್ಯದಲ್ಲಿ ಯುದ್ಧಗಳು ಡ್ರೋನ್, ಕ್ಷಿಪಣಿಗಳ ಮೂಲಕವೇ ಮಾಡುವುದಿದ್ದರೆ ಲಕ್ಷಾಂತರ ಸೈನಿಕರ ಅಗತ್ಯವಾದರೂ ಏನು ಎಂದೂ ಪೃಥ್ವಿರಾಜ್ ಚೌಹಾಣ್ ಪ್ರಶ್ನೆ ಮಾಡಿದ್ದಾರೆ.