ವೈವಾಹಿಕ ಅಂಕಣ ಮೂಲಕ ಮಹಿಳೆ 15 ಲಕ್ಷ ದೋಖಾ

ನವದೆಹಲಿ: ವೈವಾಹಿಕ ಅಂಕಣ ಮೂಲಕ ಮಹಿಳೆಗೆ 15 ಲಕ್ಷ ರೂ. ವಂಚಿಸಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ತಾನೊಬ್ಬ ವಿಧುರ, ಬ್ರಿಟನ್ ಮೂಲದ ಉದ್ಯಮಿ ಎಂದು ಪರಿಚಯಿಸಿಕೊಂಡಿದ್ದ. ಇಬ್ಬರೂ ಪರಿಚಯವಾದ ಬಳಿಕ ನಿರಂತರವಾಗಿ ಚ್ಯಾಟಿಂಗ್ ಮಾಡುತ್ತಿದ್ದರು. ಕೆಲವೊಮ್ಮೆ ಮಹಿಳೆಗೆ ಉಡುಗೊರೆಗಳನ್ನೂ ಕೊರಿಯರ್ ಮೂಲಕ ಕಳುಹಿಸಿಕೊಡುತ್ತಿದ್ದ.

ಆದರೆ ಇದ್ದಕ್ಕಿದ್ದಂತೆ ಮಹಿಳೆಯೊಬ್ಬಳನ್ನು ಸಂತ್ರಸ್ತ ಮಹಿಳೆ ಬಳಿ ಕಳುಹಿಸಿ ತಾನು ಕೊರಿಯರ್ ನವಳು, ನಿಮಗೆ ನೀಡಿದ ಉಡುಗೊರೆಗಳಿಗೆ ತೆರಿಗೆ ಹಣ ಪಾವತಿಸಬೇಕು ಎಂದು 15 ಲಕ್ಷ ರೂ. ಪೀಕುತ್ತಾಳೆ. ಬಳಿಕ ಇದೊಂದು ವಂಚನೆ ಎಂದು ತಿಳಿದ ಸಂತ್ರಸ್ತೆ ಪೊಲೀಸರಿಗೆ ದೂರು ನೀಡುತ್ತಾಳೆ. ಪೊಲೀಸರು ಖಾತೆ ವಿವರ ಪಡೆದುಕೊಂಡು ಆರೋಪಿಯನ್ನು ಬಂಧಿಸುತ್ತಾರೆ.