ಕೋಳಿಯ ಅವಾಂತರ: ಜನನಾಂಗಕ್ಕೆ ಪೆಟ್ಟು ಬಿದ್ದು ವ್ಯಕ್ತಿ ಸಾವು

ಹೈದರಾಬಾದ್: ಕೋಳಿ ಕಾಳಗದಲ್ಲಿ ಹುಂಜವೊಂದರ ಕಾಲಿಗೆ ಕಟ್ಟಲಾಗಿದ್ದ ಚಾಕು ವ್ಯಕ್ತಿಯೊಬ್ಬರ ಜನನಾಂಗಕ್ಕೆ ತಗುಲಿದ ಪರಿಣಾಮ ಆ ವ್ಯಕ್ತಿ ಸಾವನ್ನಪ್ಪಿದ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ಅಕ್ರಮವಾಗಿ ಆಯೋಜಿಸಲಾಗಿದ್ದ ಕೋಳಿ ಕಾಳಗದಲ್ಲಿ ಹುಂಜದ ಕಾಲಿಗೆ ಕಟ್ಟಲಾಗಿದ್ದ ಚಾಕು ವ್ಯಕ್ತಿಯ ಜನನಾಂಗಕ್ಕೆ ತಗುಲಿದೆ. ಇದರಿಂದ ತೀವ್ರ ರಕ್ತಸ್ರಾವವಾಗಿದ್ದು, ವ್ಯಕ್ತಿ ಮೃತಪಟ್ಟಿದ್ದಾನೆ. ಇದೀಗ ಪೊಲೀಸರು ದುರ್ಘಟನೆಗೆ ಕಾರಣವಾದ ಹುಂಜ ಮತ್ತು ಕಾರ್ಯಕ್ರಮದ ಅಯೋಜಕರನ್ನು ಬಂಧಿಸಿದ್ದಾರೆ.