ಪತ್ನಿ ನೇಣು ಹಾಕುತ್ತಿರುವ ವಿಡಿಯೋ ಮಾಡಿ ಸಂಬಂಧಿಕರಿಗೆ ಕಳುಹಿಸಿದ ಪತಿ!

ಚೆನ್ನೈ: ಪತ್ನಿ ಆತ್ಮಹತ್ಯೆ ಮಾಡುವ ವಿಡಿಯೋ ಮಾಡಿದ ಪತಿ ಮಹಾಶಯ ಆ ವಿಡಿಯೋವನ್ನು ಆಕೆಯ ಸಂಬಂಧಿಕರಿಗೆ ಕಳುಹಿಸಿದ ಹೇಯ ಕೃತ್ಯ ತಮಿಳುನಾಡಿನ ನೆಲ್ಲೋರ್ ನಲ್ಲಿ ನಡೆದಿದೆ.

ಈ ಸಂಬಂಧ ಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಪತ್ನಿಗೆ ಅಕ್ರಮ ಸಂಬಂಧವಿದೆಯೆಂದು ಅನುಮಾನಿಸುತ್ತಿದ್ದ ಪತಿ ಸದಾ ಆಕೆಯೊಡನೆ ಜಗಳವಾಡುತ್ತಿದ್ದ. ಇದರಿಂದ ಬೇಸತ್ತ ಮಹಿಳೆ ಗಂಡ ಮತ್ತು ಇಬ್ಬರು ಮಕ್ಕಳ ಎದುರೇ ನೇಣು ಹಾಕಿಕೊಂಡಿದ್ದಾಳೆ.

ಇದನ್ನು ನೋಡುತ್ತಿದ್ದ ಪತಿ ಆಕೆಯನ್ನು ತಡೆಯುವ ಬದಲು ಆ ದೃಶ್ಯಗಳನ್ನು ವಿಡಿಯೋ ಮಾಡಿ ಆಕೆಯ ಪೋಷಕರು, ಸಂಬಂಧಿಕರಿಗೆ ರವಾನಿಸಿದ್ದಾನೆ. ಈ ಸಂಬಂಧ ಮಹಿಳೆಯ ಕುಟುಂಬಸ್ಥರು ಪತಿ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದರು.