ಮಾಂತ್ರಿಕನ ಮಾತು ಕೇಳಿ ಬಾಲಕಿಯ ಶ್ವಾಸಕೋಶ ಕಿತ್ತು ಜೀವ ತೆಗೆದರು!

ಕಾನ್ಪುರ: ಮಾಂತ್ರಿಕನ ಮಾತುಕೇಳಿಕೊಂಡು 7 ವರ್ಷದ ಬಾಲಕಿಯೊಬ್ಬಳನ್ನು ಹತ್ಯೆಗೈದು ಆಕೆಯ ಶ್ವಾಸಕೋಶ ಕಿತ್ತು ಹಾಕಿದ ಭೀಕರ ಘಟನೆ ಕಾನ್ಪುರದಲ್ಲಿ ನಡೆದಿದೆ.

ಬಾಲಕಿಯ ಸಂಬಂಧಿಕ ದಂಪತಿಗಳೇ ಈ ಕೃತ್ಯವೆಸಗಿದ್ದಾರೆ ಎನ್ನಲಾಗಿದೆ. ಈ ದಂಪತಿಗೆ ಹಲವಾರು ವರ್ಷಗಳಿಂದ ಮಕ್ಕಳಾಗಿರಲಿಲ್ಲ. ಈ ಬಗ್ಗೆ ಮಾಂತ್ರಿಕನೊಬ್ಬ ಬಾಲಕಿಯ ಜೀವಬಲಿಗೊಟ್ಟು ಶ್ವಾಸಕೋಶ ಸೇವಿಸಿದರೆ ಮಕ್ಕಳಾಗುತ್ತದೆಂದು ನಂಬಿಸಿದ್ದ. ಇದನ್ನು ನಂಬಿದ ದಂಪತಿ ಈ ಘೋರ ಕೃತ್ಯವೆಸಗಿದ್ದಾರೆ ಎನ್ನಲಾಗಿದೆ. ಈ ಸಂಬಂಧ ಪೊಲೀಸರು ಈಗ ಆರೋಪಿಗಳನ್ನು ಬಂಧಿಸಿದ್ದಾರೆ.