ಪುಟ್ಟ ಮಗಳ ಸಂತೈಸಲಾಗದೇ ಅಪ್ಪ ಮಾಡಿದ ಹೀನಾಯ ಕೆಲಸವೇನು ಗೊತ್ತಾ?

ನವದೆಹಲಿ: ನಾಲ್ಕು ವರ್ಷದ ಮಗಳ ಅಳು ನಿಲ್ಲಿಸಲಾಗದ ತಂದೆಯೊಬ್ಬ ಆಕೆಯನ್ನು ಹತ್ಯೆ ಮಾಡಿದ ಘಟನೆ ನವದೆಹಲಿಯಲ್ಲಿ ನಡೆದಿದೆ.

28 ವರ್ಷದ ಆರೋಪಿ ವಾಸುದೇವ ಗುಪ್ತಾ ಎಂಬಾತನನ್ನು ಈ ಸಂಬಂಧ ಬಂಧಿಸಲಾಗಿದೆ. 20 ದಿನಗಳ ಹಿಂದೆ ಈತನ ಪತ್ನಿ ಮನೆ ಬಿಟ್ಟು ಹೋಗಿದ್ದಳು. ಇದೇ ವಿಚಾರವಾಗಿ ಆತ ಖಿನ್ನನಾಗಿದ್ದ ಎನ್ನಲಾಗಿದೆ. ಅಮ್ಮನಿಲ್ಲದೇ ಮಗು ಒಂದೇ ಸಮನೆ ಅಳುತ್ತಿತ್ತು. ಆಕೆಯನ್ನು ಸಂತೈಸಲಾಗದೇ ಉಸಿರುಗಟ್ಟಿಸಿ ಹತ್ಯೆ ಮಾಡಿದ್ದಾನೆ. ಬಳಿಕ ಆಕೆಯ ಮೃತದೇಹವನ್ನು ಟವೆಲ್ ನಲ್ಲಿ ಸುತ್ತಿಕೊಂಡು ಪತ್ನಿಗಾಗಿ ಆಟೋ ಒಂದರಲ್ಲಿ ಬೀದಿ ಬೀದಿ ಅಲೆಯುತ್ತಿದ್ದ. ಈ ವಿಚಾರ ತಿಳಿದ ಆರೋಪಿಯ ಸಹೋದರ ಪೊಲೀಸರಿಗೆ ದೂರು ನೀಡಿದ್ದು, ಆರೋಪಿಯನ್ನು ಬಂಧಿಸಲಾಯಿತು.