ಬೆಂಗಳೂರು: ಊಟ ಏನಾದರೂ ಮಿಕ್ಕಿದೆಯಾ ಎಂದು ಆನೆಯೊಂದು ಸೀದಾ ಅಡುಗೆ ಮನೆಯೊಳಗೇ ನುಗ್ಗಿದರೆ ಹೇಗಿರುತ್ತದೆ? ಇಂತಹದ್ದೊಂದು ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಇತ್ತೀಚೆಗೆ ಆಹಾರ ಹುಡುಕಿಕೊಂಡು ಆನೆಗಳು ನಾಡಿಗೆ ದಾಳಿಯಿಡುವುದು ಇದೇ ಮೊದಲಲ್ಲ. ಹಲವು ಬಾರಿ ಇಂತಹದ್ದೇ ಘಟನೆಗಳು ನಡೆದಿದ್ದು ಇದೆ. ಅದೇ ರೀತಿ ಈಗ ಆಹಾರ ಹುಡುಕಿಕೊಂಡು ಬಂದ ಆನೆಯೊಂದರ ವಿಡಿಯೋ ವೈರಲ್ ಆಗಿದೆ.
ಸೋಷಿಯಲ್ ಮೀಡಿಯಾ ವರದಿ ಪ್ರಕಾರ ಇದು ತಮಿಳುನಾಡಿನಲ್ಲಿ ನಡೆದ ಘಟನೆ. ರಾತ್ರಿ ವೇಳೆ ಆನೆಯೊಂದು ಮನೆಯೊಂದರ ಅಡುಗೆ ಮನೆಗೆ ನುಗ್ಗಿ ಸೀದಾ ಆಹಾರಕ್ಕಾಗಿ ತಡಕಾಡುತ್ತದೆ. ಅಡುಗೆ ಮನೆಯ ಬಾಗಿಲು ಮುರಿದು ಗಜರಾಜ ಸೀದಾ ತನ್ನ ಸೊಂಡಿಲನ್ನು ಒಳ ನುಗ್ಗಿಸುತ್ತಾನೆ.
ಒಳಗಿದ್ದ ಪಾತ್ರೆ, ಗ್ಯಾಸ್ ಸಿಲಿಂಡರ್ ಹೀಗೆ ಸಿಕ್ಕಿದ್ದನ್ನೆಲ್ಲಾ ಚೆಂಡಾಡುತ್ತಾನೆ. ಅವನ ದಾಳಿಗೆ ಅಡುಗೆ ಮನೆಯಲ್ಲಿರುವ ವಸ್ತುಗಳೆಲ್ಲಾ ದಿಕ್ಕಾಪಾಲಾಗುತ್ತದೆ. ಮನೆಯವರೂ ಭಯಗೊಂಡು ದೂರದಿಂದಲೇ ನಿಂತು ನೋಡುತ್ತಾರೆ. ಇಂತಹದ್ದೊಂದು ವಿಡಿಯೋ ಇಲ್ಲಿದೆ ನೋಡಿ.
