ಮಧ್ಯಪ್ರದೇಶ: ಉಜ್ಜೈನಿಯಲ್ಲಿ ನಡೆದ ಕತ್ತೆಗಳ ಮೇಳದಲ್ಲಿ ಖ್ಯಾತ ಹಾಗೂ ಕುಖ್ಯಾತ ನಾಮರ ಹೆಸರು ಹೊಂದಿದ್ದ ಕತ್ತೆಗಳು ಭಾರಿ ಬೆಲೆಗೆ ಮಾರಾಟವಾಗಿವೆ.
ಉಜ್ಜೈನಿಯಲ್ಲಿ ಪ್ರತಿ ವರ್ಷವೂ ಕತ್ತೆಗಳ ಮೇಳ ನಡೆಯುತ್ತೆ. ಹಾಗೆ ಈ ವರ್ಷವೂ ಮೇಳದಲ್ಲಿ ಪಾಲ್ಗೊಂಡಿದ್ದ ಕತ್ತೆಗಳಿಗೆ ಬಾಬಾ ಗುರ್ಮೀತ್‌, ಹನಿಪ್ರೀತ್, ಜಿಎಸ್‌ ಟಿ, ಸುಲ್ತಾನ್‌, ಬಾಹುಬಲಿ ಸೇರಿ ಮತ್ತಿತರ ಹೆಸರಿಡಲಾಗಿತ್ತು. ಈ ಪೈಕಿ ಅತ್ಯಾಚಾರ ಕೇಸ್ ನಲ್ಲಿ ಜೈಲು ಸೇರಿರುವ ಗುರ್ಮೀತ್‌ ಹಾಗೂ ಹನಿಪ್ರೀತ್ ಹೆಸರಿನ ಕತ್ತೆಗಳು 11 ಸಾವಿರ ರೂ.ಗೆ ಮಾರಾಟವಾಗಿವೆ.
ಗುರ್ಮೀತ್‌, ಹನಿಪ್ರೀತ್ ಹೆಸರಿನ ಕತ್ತೆಗಳಿಗೆ 20 ಸಾವಿರ ರೂ. ನೀಡಿ ಖರೀದಿಸಲು ಜನ ಸಿದ್ಧರಿದ್ದರು. ಆದರೆ ಕೊನೆಗೆ 11 ಸಾವಿರ ರೂ.ಗೆ ಈ ಕತ್ತೆಗಳು ಮಾರಾಟವಾಗಿವೆ. ಮೇಳದಲ್ಲಿ ಸುಮಾರು 2 ಸಾವಿರ ಕತ್ತೆಗಳು ಸೇರಿದ್ದವು. ಮಹಾರಾಷ್ಟ್ರ, ಗುಜರಾತ್‌, ರಾಜಸ್ಥಾನದಿಂದ ಜನ ಕತ್ತೆಗಳನ್ನು ತಂದಿದ್ದರು.
