ಸ್ಯಾನಿಟೈಸ್ ಮಾಡುತ್ತಿದ್ದ ವ್ಯಕ್ತಿಯಿಂದ ಕೊರೋನಾ ಪೀಡಿತೆಯ ಮಾನಭಂಗ

ಮುಂಬೈ: ಸ್ಯಾನಿಟೈಸ್ ಮಾಡುವ ಕೆಲಸ ಮಾಡುತ್ತಿದ್ದ ವ್ಯಕ್ತಿಯೇ ಕೊರೋನಾ ಪೀಡಿತ ಯುವತಿಯೊಬ್ಬಳ ಮಾನಭಂಗ ಮಾಡಲೆತ್ನಿಸಿದ ಘಟನೆ ಮುಂಬೈನಲ್ಲಿ ನಡೆದಿದೆ.

ಮುಂಬೈ ಮಹಾನಗರ ಪಾಲಿಕೆಯಿಂದ ನೇಮಿತವಾಗಿದ್ದ 20 ವರ್ಷದ ಸ್ಯಾನಿಟೈಸರ್ ಕೆಲಸಗಾರ ಈ ಕೃತ್ಯವೆಸಗಿದ್ದಾನೆ. ಈತ ಪಾಲಿಕೆಯ ಆಸ್ಪತ್ರೆಯಲ್ಲಿ ಕೊವಿಡ್ ಚಿಕಿತ್ಸೆಗಾಗಿ ದಾಖಲಾಗಿದ್ದ ಯುವತಿಯ ಮಾನಭಂಗ ಮಾಡಲು ಯತ್ನಿಸಿದ್ದಾನೆ. ತಕ್ಷಣವೇ ಯುವತಿ ಕೂಗಿ ಪಕ್ಕದಲ್ಲಿದ್ದವರ ಗಮನ ಸೆಳೆದಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.