ಬಿಜೆಪಿ ಯಾವತ್ತೂ ಮೋದಿ-ಶಾ ಪಕ್ಷವಾಗಲು ಬಿಡೋಲ್ಲ ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಹೊಸ ಬಾಂಬ್ ಸಿಡಿಸಿದ್ದಾರೆ.
ಬಿಜೆಪಿ ಪಕ್ಷ ಸಿದ್ದಾಂತ ಕೇಂದ್ರಿಕೃತವಾಗಿದೆಯೇ ಹೊರತು ವೈಯಕ್ತಿಕ ಕೇಂದ್ರಿಕೃತವಾಗಿಲ್ಲ. ಬಿಜೆಪಿ ಪಕ್ಷ ಮೋದಿ-ಶಾ ಕೇಂದ್ರಿಕೃತವಾಗಿದೆ ಎನ್ನುವ ಆರೋಪಗಳಲ್ಲಿ ಸತ್ಯಾಂಶವಿಲ್ಲ ಎಂದು ತಿಳಿಸಿದ್ದಾರೆ.
ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ ಪಕ್ಷಕ್ಕೆ ಬಹುಮತದ ಕೊರತೆಯಾಗಲಿದೆಯೇ ಎನ್ನುವ ಉಹಾಪೋಹಗಳನ್ನು ತಳ್ಳಿಹಾಕಿದ ಅವರು, ಕಳೆದ ಲೋಕಸಭೆ ಚುನಾವಣೆ ಫಲಿತಾಂಶಗಿಂತ ಹೆಚ್ಚಿನ ಸೀಟುಗಳಲ್ಲಿ ಬಿಜೆಪಿ ಪಕ್ಷ ಗೆಲ್ಲಲಿದೆ ಎಂದು ಭವಿಷ್ಯ ನುಡಿದರು.
ಈ ಹಿಂದೆ ಕೂಡಾ ಬಿಜೆಪಿ ಅಟಲ್ ಬಿಹಾರಿ ವಾಜಪೇಯಿ ಅಥವಾ ಎಲ್‌.ಕೆ.ಆಡ್ವಾಣಿ ಪಕ್ಷವಾಗಿರಲಿಲ್ಲ. ಆದ್ದರಿಂದ ಮೋದಿ- ಶಾ ಕೇಂದ್ರಿಕೃತ ಪಕ್ಷವಾಗಲು ಬಿಡುವುದಿಲ್ಲ ಎಂದು ಗುಡುಗಿದ್ದಾರೆ.