ಪಾಟ್ನಾ: ಅಳಿಯನಿಗೆ ಅತ್ತೆ ಮೇಲೆ ಲವ್ ಆಗಿದ್ದು, ಇಬ್ಬರ ಲವ್ ಅಫೇರ್ ತಿಳಿದು ಮಾವನೇ ತನ್ನ ಹೆಂಡತಿಯನ್ನು ಅಳಿಯನಿಗೆ ಮದುವೆ ಮಾಡಿಕೊಟ್ಟ ಘಟನೆ ಬಿಹಾರದಲ್ಲಿ ನಡೆದಿದೆ.
ಹೆಂಡತಿ ತೀರಿಕೊಂಡ ಬಳಿಕ ಅಳಿಯ 45 ವರ್ಷದ ಸಿಕಂದರ್ ಯಾದವ್ ತನ್ನಿಬ್ಬರು ಮಕ್ಕಳೊಂದಿಗೆ ಅತ್ತೆ ಮನೆಗೆ ಶಿಫ್ಟ್ ಆಗಿದ್ದ. ಈ ಸಂದರ್ಭದಲ್ಲಿ ಅಳಿಯನಿಗೂ 55 ವರ್ಷದ ಅತ್ತೆ ಗೀತಾ ದೇವಿಗೂ ಪ್ಯಾರ್ ಶುರುವಾಗಿತ್ತು. ಇಬ್ಬರ ನಡತೆ ಗಮನಿಸಿದ್ದ ಮಾವ ದಿಲೇಶ್ವರ್ ದಾರ್ವೆಗೆ ಯಾಕೋ ಸಂಶಯವಾಗಿತ್ತು. ಆತ ಇಬ್ಬರನ್ನೂ ಸೂಕ್ಷ್ಮವಾಗಿ ಗಮನಿಸಿ ಕೊನೆಗೊಂದು ದಿನ ರೆಡ್ ಹ್ಯಾಂಡ್ ಆಗಿ ಹಿಡಿದಿದ್ದ.
ದಾರ್ವೆ ಈ ಪ್ರಕರಣವನ್ನು ಪಂಚಾಯ್ತಿ ಕಟ್ಟೆಗೆ ತಂದಿದ್ದರು. ಈ ವೇಳೆ ಪಂಚಾಯ್ತಿ ಪ್ರಮುಖರ ಸಮ್ಮುಖದಲ್ಲಿ ಅಳಿಯ ಸಿಕಂದರ್ ಯಾದವ್ ತನಗೆ ಅತ್ತೆ ಮೇಲೆ ಲವ್ ಆಗಿರುವ ವಿಚಾರವನ್ನು ಒಪ್ಪಿಕೊಂಡಿದ್ದ. ಗ್ರಾಮಸ್ಥರ ಮುಂದೆಯೇ ಅತ್ತೆ ಹಣೆಗೆ ಸಿಂಧೂರವಿಟ್ಟು ಪತ್ನಿಯಾಗಿ ಸ್ವೀಕರಿಸಿದ್ದ. ಇಬ್ಬರ ಲವ್ ನೋಡಿ ಮಾವನೂ ಖುಷಿಯಿಂದಲೇ ಈ ಸಂಬಂಧಕ್ಕೆ ಒಪ್ಪಿಗೆ ನೀಡಿದ್ದಾರೆ.
ಅಷ್ಟೇ ಅಲ್ಲ ಗ್ರಾಮಸ್ಥರ ಮುಂದೆ ಮದುವೆಯಾದ ನಂತರ ಕಾನೂನಾತ್ಮಕವಾಗಿಯೇ ಮಾವ ದಾರ್ವೆ ಇಬ್ಬರ ಮದುವೆ ಮಾಡಿಸಿದ್ದಾನೆ. ಈ ಮದುವೆ ವಿಡಿಯೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
