ಹಾಡಿನಿಂದ ವೈರಲ್ ಆದ ರಾನುಗೆ ಆಫರ್ ಗಳ ಸುರಿಮಳೆ

ನಿಲ್ದಾಣವೊಂದರಲ್ಲಿ ಹಾಡಿರೋ ಹಾಡು ವೈರಲ್ ಆಗೋ ಮೂಲಕ ಫೇಮಸ್ ಆಗಿರೋ ರಾನು ಮೊಂಡಲ್ ಗೆ ಈಗ ಸಿನಿಮಾಗಳಲ್ಲಿ ಹಾಡಲು ಆಫರ್ ಗಳ ಸುರಿಮಳೆಯಾಗುತ್ತಿದೆ.

ಈಚೆಗೆ ಬಾಲಿವುಡ್ ಗಾಯಕ ಹಿಮೇಶ್ ರೇಷ್ಮಿಯಾ ಸಹ ರಾನುಗೆ ಹಾಡಲು ಅವಕಾಶ ನೀಡಿದ್ದಲ್ಲದೇ ಲಕ್ಷಾಂತರ ರೂ. ಸಂಭಾವನೆ ನೀಡಿ ಸುದ್ದಿಯಾಗಿದ್ದರು.

ಅದರ ಬೆನ್ನಲ್ಲೇ ಇದೀಗ ಭೋಜಪುರಿ ಚಿತ್ರದಲ್ಲಿ ಹಾಡೋಕೆ ಅವಕಾಶವೊಂದು ರಾನುಗಾಗಿ ಕಾಯುತ್ತಿದೆ. ನಟ ಪ್ರದೀಪ ಪಾಂಡೆ ಚಿಂಟು ತಮ್ಮ ಮುಂದಿನ ಚಿತ್ರದಲ್ಲಿ ಹಾಡಲು ರಾನುಗೆ ಅವಕಾಶ ನೀಡೋದಾಗಿ ಹೇಳಿದ್ದಾರೆ.

ಈಗಾಗಲೇ ರಿಯಾಲಿಟಿ ಶೋ ಅಲ್ಲದೇ ಕೆಲವು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿರೋ ಮಿಂಚಿನ ಕಂಠದ ರಾನು ಇದೀಗ ಹಾಲಿವುಡ್ ಸೇರಿದಂತೆ ವಿವಿಧ ಭಾಷೆಗಳಲ್ಲಿ ಬೇಡಿಕೆಯ ಗಾಯಕಿಯಾಗುತ್ತಿರೋದು ವಿಶೇಷ.