ಒಂದು ಮಂದಿರ ಕಟ್ಟಿಸಿದರೆ ಸಾವಿರಾರು ಭಿಕ್ಷಕರು ಹುಟ್ಟಿಕೊಳ್ತಾರೆ ಎಂದು ಶಾಲೆಯ ಗೋಡೆ ಬರಹವೊಂದು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಹಿಂದೂಗಳ ಆಕ್ರೋಶಕ್ಕೆ ಕಾರಣವಾಗಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಕಳೆದ ಎರಡು ದಿನಗಳಿಂದ ಈ ಫೋಟೋ ಹರಿದಾಡುತ್ತಿದೆ. ಸರ್ಕಾರಿ ಶಾಲೆಯೊಂದರ ಗೋಡೆ ಬರಹದಲ್ಲಿ ಸಾಮಾನ್ಯವಾಗಿ ಹಿತವಚನಗಳನ್ನು ಬರೆಯಲಾಗುತ್ತದೆ. ಅದೇ ರೀತಿ ಇಲ್ಲಿ ಗೋಡೆ ಬರಹದಲ್ಲಿ ಈ ರೀತಿ ಬರೆಯಲಾಗಿದೆ.
ಒಂದು ಮಂದಿರ ಕಟ್ಟಿಸಿದರೆ ಸಾವಿರಾರು ಭಿಕ್ಷುಕರು ಹುಟ್ಟಿಕೊಳ್ಳುತ್ತಾರೆ. ಆದರೆ ಒಂದು ಗ್ರಂಥಾಲಯ ಕಟ್ಟಿಸಿದರೆ ಲಕ್ಷಾಂತರ ವಿದ್ವಾಂಸರು ಹುಟ್ಟಿಕೊಳ್ಳುತ್ತಾರೆ ಎಂದು ಬರಹ ಬರೆಯಲಾಗಿದೆ. ಈ ಬರಹವನ್ನು ಕೆಲವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಮಂದಿರ ಕಟ್ಟಿಸುವುದರಿಂದ ಭಿಕ್ಷಕರು ಹುಟ್ಟಿಕೊಳ್ಳುತ್ತಾರೆ ಎಂದಿದ್ದು ಮುಜರಾಯಿ ಇಲಾಖೆಗಾ ಎಂದು ಕೆಲವರು ಪ್ರಶ್ನೆ ಮಾಡಿದ್ದಾರೆ. ಮಂದಿರ ಕಟ್ಟಿಸಿದರೆ ಎಷ್ಟೊಂದು ಬೀದಿ ವ್ಯಾಪಾರಿಗಳ ಜೀವನವೂ ನಡೆಯುತ್ತದೆ. ಈ ಬರಹವನ್ನು ನೋಡಿ ದೇವರೇ ನಗುತ್ತಿರಬಹುದು ಎಂದಿದ್ದಾರೆ.
