ತುಮಕೂರು :ಶನಿವಾರ ತುಮಕೂರಿನಲ್ಲಿ ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ಸಿದ್ದಗಂಗಾ ಆಸ್ಪತ್ರೆಯ ಎಂಡಿ ಡಾ. ಪರಮೇಶ್ ಹೈಕಮ್ಯಾಂಡ್‌ ತಲುಪಿರುವ ನಾಲ್ವರ ಹೆಸರಿನಲ್ಲಿ ನನ್ನ ಹೆಸರು ಮೊದಲಿದ್ದು, ಸಿದ್ದಗಂಗಾ ಶ್ರೀಗಳ ಆಶೀರ್ವಾದದಿಂದ ಟಿಕೆಟ್‌ ಸಿಗುವುದು ಖಚಿತ ಎಂದು ಹೇಳಿದರು.ಲೋಕಸಭಾ ಚುನಾವಣೆಗೆ ನನ್ನ ಹೆಸರು ಫೈನಲ್‌ ಆಗಿದ್ದು, ಟಿಕೆಟ್‌ ಸಿಗುವುದು ಖಚಿತವಾಗಿದೆ ಎಂದು ಜಿಲ್ಲಾ ಬಿಜೆಪಿ ಖಜಾಂಚಿ ಮತ್ತು ಸಿದ್ದಗಂಗಾ ಆಸ್ಪತ್ರೆಯ ಎಂಡಿ ಡಾ. ಪರಮೇಶ್ ಹೇಳಿದ್ದಾರೆ.
ಮಾಜಿ ಸಚಿವ ವಿ. ಸೋಮಣ್ಣ ತುಮಕೂರು ಲೋಕಸಭಾ ಕ್ಷೇತ್ರದ ಮೇಲೆ ಕಣ್ಣಿರಿಸಿದ್ದರು. ಶನಿವಾರ ಮಧ್ಯಾಹ್ನ ಮೂರು ಗಂಟೆಗೆ ವಿ. ಸೋಮಣ್ಣ ಸಿದ್ದಗಂಗಾ ಮಠಕ್ಕೆ ಭೇಟಿ ನೀಡುವ ಕಾರ್ಯಕ್ರಮ ನಿಗದಿಯಾಗಿತ್ತು. ಆದರೆ ಸೋಮಣ್ಣ ಭೇಟಿಗೂ ಮುನ್ನವೇ ಪತ್ರಿಕಾಗೋಷ್ಠಿ ನಡೆಸಿದ ಡಾ. ಪರಮೇಶ್ ಸೋಮಣ್ಣನಿಗೆ ಟಕ್ಕರ್‌ ನೀಡಿದ್ದಾರೆ. ವಿ.ಸೋಮಣ್ಣ ವಲಸಿಗರು. ಮೂಲ ಬಿಜೆಪಿಯವರಿಗೆ ಟಿಕೆಟ್‌ ನೀಡಬೇಕೆಂದು ಹೈಕಮ್ಯಾಂಡ್‌ ಗೆ ಹೇಳಿದ್ದೇವೆ. ನನಗೆ ಟಿಕೆಟ್‌ ದೊರಕುವ ವಿಶ್ವಾಸವಿದೆ ಎಂದು ಡಾ. ಪರಮೇಶ್ ಹೇಳಿದ್ದಾರೆ.