ಬೆಂಗಳೂರು: ಕಾನ್ಫಿಡೆನ್ಸ್ ಗ್ರೂಪ್ ಸಂಸ್ಥೆಯ ಮಾಲಿಕ ಸಿಜೆ ರಾಯ್ ಮರಣೋತ್ತರ ಪರೀಕ್ಷೆ ವರದಿಗಳು ಹೊರಬಂದಿದ್ದು ಶಾಕಿಂಗ್ ವಿಚಾರಗಳು ಬಯಲಾಗಿವೆ.
ಐಟಿ ದಾಳಿ ಬೆನ್ನಲ್ಲೇ ಒತ್ತಡಕ್ಕೊಳಗಾಗಿದ್ದ ಸಿಜೆ ರಾಯ್ ನಿನ್ನೆ ತಮ್ಮ ಕಚೇರಿಯಲ್ಲೇ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಅವರ ಮರಣೋತ್ತರ ಪರೀಕ್ಷೆ ನಡೆಸಲಾಗಿತ್ತು. ಇದೀಗ ಪ್ರಾಥಮಿಕ ವರದಿಗಳು ಹೊರಬಂದಿವೆ.
ಅದರ ಪ್ರಕಾರ ಸಿಜೆ ರಾಯ್ ತಮ್ಮ ಎದೆಯ ಎಡಭಾಗಕ್ಕೆ ಸಮೀಪದಿಂದಲೇ ಗನ್ ಹಿಡಿದುಕೊಂಡು ಫೈರ್ ಮಾಡಿದ್ದಾರೆ. ಇದರಿಂದಾಗಿ ಮಾಂಸಖಂಡಗಳು ಚದುರಿಲ್ಲ. ಎದೆಯ ಎಡಭಾಗದ ಮೂಲಕ ಪ್ರವೇಶಿಸಿದ ಗುಂಡು ಬೆನ್ನಿನ ಭಾಗದಲ್ಲಿ ಸಿಲುಕಿಕೊಂಡಿದೆ.
ಪಾಕೆಟ್ ಗನ್ ನಿಂದ ಅವರು ತಮ್ಮನ್ನು ತಾವು ಶೂಟ್ ಮಾಡಿಕೊಂಡಿದ್ದಾರೆ. ಅತೀ ಹತ್ತಿರದಿಂದ ಗುಂಡು ಹೊಡೆದುಕೊಂಡಿರುವುದರಿಂದ ಗುಂಡು ಆಳಕ್ಕೆ ಇಳಿದಿದೆ. ಶ್ವಾಸಕೋಶ, ಹೃದಯವನ್ನು ಹೊಕ್ಕು ಬೆನ್ನಿನಲ್ಲಿ ಸಿಲುಕಿಕೊಂಡಿದೆ. ಸಿಜೆ ರಾಯ್ ತಮ್ಮ ಪರವಾನಗಿ ಪಡೆದ ಎನ್ ಪಿ ಬೋರ್ 0.25 ಪಿಸ್ತೂಲ್ ಬಳಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಸದ್ಯಕ್ಕೆ ಗನ್ ಹೊರತೆಗೆಯಲಾಗಿದ್ದು ವಿಧಿ ವಿಜ್ಞಾನ ಪರೀಕ್ಷೆಗೆ ರವಾನಿಸಲಾಗಿದೆ.
