Big Boss Season 11: ವಾರದ ಕಥೆಯಲ್ಲಿ ಕಿಚ್ಚನಿಗೆ ನಗು ತರಿಸಿದ ಗೋಲ್ಡ್ ಸುರೇಶ್ ಮಾತು

Photo Courtesy X

ಇಂದು ವಾರದ ಕಥೆ ಕಿಚ್ಚನ ಜತೆ ಎಪಿಸೋಡ್‌ ನಡೆಸಲು ಕಿಚ್ಚ ಸುದೀಪ್ ಫುಲ್ ಖಡಕ್‌ ಆಗಿಯೇ ಎಂಟ್ರಿ ಕೊಟ್ಟಿದ್ದಾರೆ. ಯಾವಾಗಲೂ ಸ್ಪರ್ಧಿಗಳ ವಾರದ ಕಥೆಯನ್ನು  ಸೀರಿಯಸ್ ಆಗಿ ಚರ್ಚಿಸುವ ಸುದೀಪ್ ಮುಖದಲ್ಲಿ ಈ ಬಾರಿ ಗೋಲ್ಡ್ ಸುರೇಶ್ ಮಾತು ನಗು ತರಿಸಿದೆ.

ಇಂದಿನ ಪಂಚಾಯಿತಿ ಬಗ್ಗೆ  ಕಲರ್ಸ್ ಕನ್ನಡ ವಾಹಿನಿ ಎರಡು ಪ್ರೋಮೋಗಳನ್ನು ಬಿಡುಗಡೆ ಮಾಡಿದೆ.  ಯಾವಾಗಲೂ ವಾರದ ಎಡವಟ್ಟು, ಸರಿ ತಪ್ಪುಗಳ ಬಗ್ಗೆ ಸ್ಪರ್ಧಿಗಳಿಗೆ ತಿಳಿ ಹೇಳಿ ಕ್ಲಾಸ್‌ ತೆಗೆದುಕೊಳ್ಳುತ್ತಿದ್ದ ಸುದೀಪ್  ಈ ವಾರ ಮಾತ್ರ ಫುಲ್ ಕೂಲ್‌ ಆಗಿದ್ದಾರೆ.

ಇದಕ್ಕೆ ಕಾರಣ ಹನುಮಂತ ಅವರ ವಿಚಾರ.  ಶುರುವಿಗೆ ಪೋಸ್ಟ್ ಮಾಡಿದ ಪ್ರೋಮೋದಲ್ಲಿ ವಾರದಲ್ಲಾದ ಟಾಸ್ಕ್‌ ಹಾಗೂ ಬದಲಾವಣೆಗಳ ಬಗ್ಗೆ ಸ್ಪರ್ಧಿಗಳ ಜತೆ ಕಿಚ್ಚ ಮಾತನಾಡಿದ್ದಾರೆ.

ಇನ್ನೊಂದು ಪ್ರೋಮೋದಲ್ಲಿ ಎಲ್ಲರ ಕಳಪೆಗೆ ನಾಮಿನೇಟ್ ಮಾಡುವಾಗ ಜಗಳವಾಡಿ, ವಿರೋಧಿಸುವ ಗೋಲ್ಡ್ ಸುರೇಶ್ ಅವರು ಹನುಮಂತು ಅವರ ಮಾತಿಗೆ ಯಾಕೆ ಸೈಲೆಂಟ್ ಆಗ್ತೀರಾ ಎಂದು ಕಿಚ್ಚ ಸುದೀಪ್ ಪ್ರಶ್ನೆ ಮಾಡಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿದ ಗೋಲ್ಡ್ ಸುರೇಶ್ ಅವರು,  ನಾನು ಏನೇ ಹೇಳಕ್ಕೆ ಹೋದ್ರೂ, ಮಾವ ನನ್ದು ನಾ ಹೇಳಿದ್ದೀನಿ. ನಿನ್ದು ಬಂದಾಗ ನೀನು ಹೇಳು ಎಂದು ಹೇಳುತ್ತಾನೆ. ಸುರೇಶ್ ಅವರ ಮಾತಿನ ದಾಟಿಗೆ ಕಿಚ್ಚ ಸುದೀಪ್ ಜೋರಾಗಿ ನಕ್ಕಿದ್ದಾರೆ.<>